Навіны

Нерухомасць тыдня: купіць кватэру з печчу ў стогадовым драўляным доме ў Новым свеце

Чатырохпакаёвую кватэру ў Новым Свеце на вул. Рэйманта, 6 можна купіць у Гродне. Яна размешчана на другім паверсе драўлянага дома, які пабудавалі ў 1932 годзе. У кватэры ёсць печ. Яе пазіцыянуюць як цікавую аматарам даўніны і творчым людзям.

Плошча кватэры — 97,5 кв.м. У доме ёсць цэнтральныя халоднае і гарачае водазабеспячэнне, ацяпленне і каналізацыя. Газ — прывазны. Вокны выходзяць у двор і на гістарычны цэнтр.

Новы свет — гэта гістарычны раён горада Гродна, размешчаны ў паўночнай частцы гістарычнага цэнтра, у межах вуліц Міцкевіча, Астроўскага, Ватуціна, Рэйманта і часткі вуліц 17 верасня і Горкага. Гісторыкі кажуць, што тут захаваўся пейзаж пачатку мінулага стагоддзя і прапануюць арганізаваць музей пад адкрытым небам. Тым не менш, гістарычныя будынкі перыядычна зносяць, а тыя, што засталіся, часта перабудоўваюць ўладальнікі, мяняюць у іх дзверы і вокны, з-за чаго дамы страчваюць аўтэнтычны выгляд.

У кватэры — зашклёны балкон. Таксама там скругленыя адхоны (частка аконнага праёму), драўляныя дзверы і лесвіца. Уладальнікі адзначаюць, што кватэра гатовая да пражывання. У ёй зроблены касметычны рамонт. Мэбля дастатковая састарэлая. Ёсць цёмна-бардовыя сталы, шафа і буфет. У спальнях — ложкі. Кухня таксама мае патрэбу ў рамонце.

Разам з кватэрай ідзе ячэйка ў склепе, зямельны ўчастак з пладовымі дрэвамі і месцам для адпачынку, і месца для паркоўкі.

Дом знаходзіцца ў тупіку вуліцы удалечыні ад дарог. У крокавай даступнасці дзіцячы сад, гімназія № 10, паліклінікі і дзіцячая бальніца, універсітэт, крамы і прыпынкі грамадскага транспарту.

Кватэру можна паспяхова здаваць у арэнду, лічаць прадаўцы.

Цана: $ 44 900

Чытайце таксама: Нерухомасць тыдня: у Гродне прадаецца кватэра з хатнім кінатэатрам на ўсю сцяну і 50 разеткамі

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025