Навіны

Нерухомасць тыдня: у Гродне прадаецца кватэра з хатнім кінатэатрам на ўсю сцяну і 50 разеткамі

У Гродне можна купіць трохпакаёвую кватэру на Альшанцы. Там ёсць хатні кінатэатр памерам са сцяну, спарткомплекс, дзіцячая і ванная на пяць «квадратаў». А яшчэ можна сабрацца ля біякаміна з жывым полымем. Кватэра прадаецца з убудаванай мэбляй і бытавой тэхнікай.

Яна знаходзіцца на апошнім паверсе 10-павярхоўкі. Агульная плошча — 82,8 кв. м. Вокны — ПВХ. Матэрыял падлог — ламінат, плітка, матэрыял сцен — шпалеры, караед. Мэбля зроблена з масіва хвоі. У кватэры замянілі ўсю электрыку і кабелі. Ёсць 50 разетак — можна абысціся без падаўжальнікаў.

Ёсць зашклёная ўцепленая лоджыя. У кватэры — убудаваныя шафы. Абсталяваны дзіцячы пакой і ўстаноўлены спарткомплекс. Пакоі вытрыманыя ў адзіным стылі і каляровай гаме. Адзін з іх — у бэжавых адценнях са сцяной пад цэглу, карцінамі і шчыльнымі шторамі. Спальня — у далікатна-ружовых адценнях.

У адным з пакояў ёсць хатні кінатэатр з дыяганаллю экрана 180 цаляў - ён зроблены з экрана і праектара. Усталяваны інвертарны кандыцыянер Ballu і біякамін з жывым полымем. Ёсць спадарожнікавая антэна і ўзмацняльнік Wi-Fi-сігналу.

На кухні з блакітнай сцяной і дэталямі ўстаноўлены здрабняльнік бытавых адходаў, убудаваны фільтр пітной вады пад мыйкай і двайны кран. Ёсць убудаваная тэхніка і посудамыйная машына Bosch.

Санвузел паасобны, абліцаваны пліткай. У ваннай пакоі ўстаноўлены цёплая падлога, ванна на 5 м² і душавая сістэма шарко (адзін з відаў гідратэрапіі, распрацаваны французскім неўрапатолагам Жанам Шарко). Ёсць пральна-сушыльная машына LG.

Усталяваны бойлер Ariston на 80 л.

Пад’езд — з відэаназіраннем. Побач з домам — крамы, ГЦ «Парус», школа, басейн, дзіцячы сад, амбулаторыя, транспартная развязка, лес, веладарожкі, паркоўка і дзіцячая пляцоўка.

Кошт — $ 82 000. Вам дапамогуць прадаць кватэру для куплі гэтай. Таксама кватэра пасуе для здачы ў арэнду, адзначаюць уладальнікі.

Чытайце таксама: Нерухомасць тыдня: трошка з двухпакаёўкі з класічным рамонтам і анёлачкамі

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025