"Зімовы фэст" у Гродне. Крыніца: Instagram Аляксея Аляксейчыка
Сёлета на «Зімовым фэсце» ў Гродне абяцаюць новыя стравы на фуд-корце, новыя арыгінальныя лакацыі і фотазоны ад партнёраў. Кірмаш на Савецкай адкрыецца ўжо 8 снежня. А з 16 снежня там пачне прымаць гродзенцаў Дзед Мароз.
Раней «Зімовы фэст» збіраў каля 20 удзельнікаў, сёлета іх будзе больш за 30, у тым ліку рамеснікаў.
«Зімовы фэст» будзе працаваць з 8 снежня да 7 студзеня, з 15.00 да 23.00 у буднія дні і з 13.00 да 23.00 у выхадныя, перадсвяточныя і святочныя дні. У навагоднюю ноч (1 студзеня) кірмаш будзе адкрыты з 01.00 да 04.00.
Фудтрак «Лятучы галандзец» прывязе на фэст рыбныя стравы: суп «Буябес» па-марсэльску, кольцы кальмара з падліўкай «Тысяча выспаў» і мідыі на грылі, піша s13. «Беларуская кухня» прапануе бліны з абляпіхай, селядцом і ікрой.
Comida Mexicana прывязе з Мінска мексіканскія бурыта, тако і сабрэ з рознымі начынкамі. Party Park будуць гатаваць крэветкі з кальмарамі ў паніраванні і ядомы падарункавы бокс з цацкай. На салодкае чакае калядная выпечка — чэшскія трдэльнікі ад TRdlo House, нямецкія берлінеры ад «Сытага мішкі» і іншыя.
Гарачымі напоямі з новай кактэйльнай карты пачастуе «Зімовы бар». У гэтым годзе сюрпрызам стане глінтвейн, прыгатаваны на «Лідскім квасе» са смакам печанага яблыка.
Трымальнікаў карт Visa Альфа Банка чакае зніжка 10% на стравы фуд-корта. Таксама Альфа Банка і Visa запусцяць на кірмашы сваю навагоднюю пошту: проста на месцы можна будзе абраць і адправіць святочную паштоўку.
На Савецкай плошчы ўжо ўстанаўліваюць хатку Дзеда Мароза, паведаміў «Гродна Плюс». Ён адкрыецца для гасцей з 16 снежня. Дзед Мароз будзе чакаць гасцей у буднія з 17:00 да 21:00, у выхадныя з 14:00 да 21:00. У праграме — інтэрактыўныя забавы, канцэрты і магчымасць адправіць ліст у галоўную рэзідэнцыю Дзеда Мароза. Хатка таксама будзе адкрыта да 7 студзеня (уключна).
Святочную ілюмінацыю ў горадзе ўключаць да 15 снежня.
Чытайце таксама: Навагоднія ёлачныя рынкі адкрыюць у Гродне 20 снежня
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…