Мурал у дворыку на Карла Маркса,11. Крыніца: Старонка Леаніда Шчаглова ў Instagram
Мурал, які адкрылі 7 верасня ў цэнтры Гродна, не задаволіў беларускіх прапагандыстаў. На яго абурыўся вядучы тэлеканала СТБ Рыгор Азаронак, Telegram-канал «Жёлтые сливы» і іншыя.
Азаронак не задаволены, бо не ўбачыў на мурале «сярэднявечных алігархаў, якія сваё багацце нажывалі на гарбе народа, які сеяў, араў, будаваў». Пра іх казаў Аляксандр Лукашэнка падчас зварота на народу і нацыянальнага сходу.
«Дапамажыце мне, тупому, лапатнаму, неаб’ектыўнаму прапагандысту, знайсці тое, пра што сказаў прэзідэнт, на новым гіганцкім мурале ў Гродне», — напісаў Азаронак. Акрамя гэтага, ён заўважыў, што адкрыццё адбылося напярэдадні 8 верасня — гадавіны Бітвы пад Оршай у 1514 годзе, а таксама наперадзе 17 верасня — гадавіны ўварвання савецкіх войскаў на тэрыторыю Заходняй Беларусі ў 1939 годзе.
За прыклад выяваў былі выкарыстаны гравюры старажытных майстроў. Да іх дадалі віды горада. На выявах можна ўбачыць пажарную каланчу, вуліцу Замкавую, а таксама аленя святога Губерта. Стары замак выявілі ў сучасным выглядзе, а таксама так, як ён выглядаў на гравюры Цюнта.
Ініцыятар стварэння мурала — уласнік прыватнай галерэі халоднай зброі «Арсенал» і былы шматгадовы дырэктар Гродзенскага мясакамбіната Анатоль Грышук. Аўтар мурала — гродзенскі мастак Уладзімір Качан.
Telegram-канал «Жёлтые сливы» спытаў у жыхароў Гродна, ці ёсць на мурале «такія старонкі гісторыі горада, як вызваленне беларускага народа, ці вызваленне ад нямецка-фашысцкіх захопнікаў? Вось паноў бачым, шляхту бачым, „жолнеров“ бачым, а савецкага воіна-вызваліцеля чамусці няма. Альбо гісторыя горада скончылася адразу пасля Сапегаў - Радзівілаў?».
Праўладны эксперт Аляксей Дзермант выказаў думку, што адказы трэба шукаць у сферы кадраў нашай культуры. Бо «нам не хапае якасных мастакоў, музыкаў, артыстаў, якія могуць выявіць нешта іншае, чым чарговае нізкапаклоннічаць перад польскай шляхтай».
Ён лічыць, што культуры патрэбныя камісары-сэнсавікі, не звязаныя цэхавай кругавой парукай. «Мы рыхтуем дзяцей у вайскова-патрыятычных лагерах і гэта вялікая справа. Але нам такі ж спецназ патрэбен у культуры».
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
