Навіны

У Гродне адкрылі бістро з рымскай пінсай

Італьянская кухня набірае папулярнасць у Гродне. Новае бістро «Семаліна» адкрылася ў дворыку на Савецкай, 7. Галоўная страва там — рымская пінса.

Пінса (ад італ. pinsere — «расцягваць, мясіць рукамі») — фірмовая страва цэнтральнай Італіі. Яно падобнае да піцы, але з іншым цестам і мукой. У яе цеста больш высокая вільготнасць і складаны склад з некалькіх відаў мукі. Таксама ў яе больш выцягнутая форма. У параўнанні з піцай, пінса змяшчае менш калорый. Цесту трэба не менш за 24 (а часам і 48−100) гадзін, каб падняцца. Звычайна пінсу гатуюць у два этапы — спачатку выпякаюць аснову, потым дадаюць начынку.

Бістро адкрылася на месцы, дзе калісьці была крама рукадзелля «Златаручка». Зараз яно працуе ў тэставым рэжыме. У меню, акрамя пінсы — супы, закускі, салаты.

Назва ўстановы паходзіць ад італьянскага Semolina. Так называюцца крупы з цвёрдых гатункаў пшаніцы. З іх гатуюць піцу, пасту, італьянскія аладкі ці хлеб. Лічыцца, што ў яе шмат карысных уласцівасцей.

Летняя тэраса. Фота: Instagram olgadaneika

У меню кіруе пінса

Пінсы каштуюць ад 19 да 24 рублёў, вага — 450−460 г. Ёсць вострая пепероні, рыкотта з вінаградам, мацарэла з анчоўсамі, маргарыта з песта, сырная, прашута з блакітным сырам, пеперони, мартадэла з мацарэлай, фрута дзі маарэ, семаліна і сметанковая з салёнай карамеллю. З салат — «аля-цэзар» і гароднінавы (па 13 рублёў за 280 г), з закусак — часнычны хлеб, капрэзе, антыпаста і таната з ялавічыны (8−22 рублі). Усё гэта падаецца з пінсай. Дэсерты — афагата і макавы тырамісу.

Можна замовіць каву ці халодныя напоі, ёсць кактэйлі, мінімальны выбар піва і моцны алкаголь. Віно ў меню — толькі італьянскае.

Афармленне — у італьянскім стылі

Суаўтарам інтэр'ераў была дызайнерка Аляксандра Севастыновіч. Унутры захавалі сцены з характэрнай гродзенскай жоўтай цэглы, падлогу аформілі ўзорыстай пліткай. У афармленні шмат сіняга на кантрасце з белым, на столі - вялікае люстэрка ў разбяной пазалочанай раме і жырандоль з падвескамі.

Чытайце таксама:

Падзяліцца
Меткі: ежамесцы

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025