Навіны

Нерухомасць тыдня: купіць паўдома на Палестыне побач з аб’язной

У Гродне прадаюць чатырохпакаёвую кватэру ў блакіраваным доме з зямельным участкам на вуліцы Калініна ў раёне Палесціна. Участак — на 3,5 сотак. Там ёсць гараж і хлеў, брукаванне пліткай, кусты, газоны і мангал для шашлыкоў. Да цэнтра горада ехаць сем хвілін на аўтамабілі, да Юбілейнага возера — столькі ж.

Кватэра знаходзіцца ў двухпавярховым блакаваным доме з мансардай. Плошча кватэры — 169, 4 кв.м. Дом пабудавалі ў 1970 годзе. Рэканструкцыю рабілі ў 2003 годзе.

У залі - стыльная мэбля белага колеру. Колеры ў інтэр'еры — карычневыя, бэжавыя, аранжавыя. З агульнага стылю выбіваецца леапардавая канапа. У прасторнай кухні адна са сцен пафарбаваная ў чорны колер. Пакоі ёсць і на мансардным паверсе. Сцены і столь у некаторых з іх выфарбаваныя ў белы колер, а дзесьці захавалі колер дрэва.

Матэрыял сцен — брус, блок, абліцоўванне цэглай. Ёсць цэнтральныя газазабеспячэнне, каналізацыя, халоднае водазабеспячэнне, уласнае газавае ацяпленне і гарачае водазабеспячэнне. У доме ёсць балкон і склеп.

Дом размешчаны ў ціхім месцы ў прыватным сектары. Побач — прыпынкі грамадскага транспарту, Томінскі лес. Крамы, дзіцячыя сады і школы не ў крокавай даступнасці, але і не вельмі далёка. Да возера Юбілейнага — шэсць хвілін на аўто.

Кошт — $ 97 000.

Чытайце таксама: Нерухомасць тыдня: кватэра з зонай адпачынку на даху, дзе можна смажыць шашлык і займацца спортам

Падзяліцца

Апошнія запісы

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025