Навіны

Мільянер Валянцін Байко судзіцца з «Бярэзінскім мясакамбінатам». Ёсць цікавыя дэталі

У судзе Кастрычніцкага раёна Гродна 6 верасня пачалі разглядаць справу аб прызнанні здзелак несапраўднымі. Пазоўнік — гродзенец, адзін з самых багатых і ўплывовых бізнесменаў Беларусі Валянцін Байко. Адказчыкі - «Бярэзінскі мясакамбінат» і Віктар Кеда.

У Гродне зарэгістраваны індывідуальным прадпрымальнікам Віктар Іванавіч Кеда — пад маркай cityavto ён займае продажам і купляй, выкупам, абменам аўтамабіляў. Магчыма, менавіта з гэтым чалавекам судзіцца Байко, але дэталі невядомыя. Цікавей выглядае яго суд з мясакамбінатам.

Прапрацаваў 8 гадоў, пастаўляў мяса ў калоніі і вайсковыя часткі

Прыватнае ТАА «Бярэзінскі мясакамбінат» зарэгістравалі ў 2014 годзе. Юрыдычны адрас — памяшканне ў мінскай прамзоне, якое здаецца пад офісы. Прадпрыемства знаходзіцца ў ліквідацыі са жніўня 2022 года — тады яго прызналі банкрутам. Маёмасці, якую можна прадаць, няшмат: некалькі грузавікоў-рэфрыжаратараў.

Пазыкаў на красавік 2022 года ў мясакамбіната было на 1,28 млн рублёў. Вядома, што акрамя вытворчасці прадуктаў харчавання, у кампаніі таксама быў гандлёвы бізнес — некалькі крам у Мінску. Яго ліквідавалі ў 2021 годзе, ён таксама быў даўжніком у шэрагу пастаўшчыкоў. Пратэрмінаваная запазычанасць па страхавых узносах цягнулася за мясакамбінатам з 2020 года.

Прадпрыемства пастаўляла мяса ў войскавыя часткі МУС і памежкамітэта, у калоніі, лякарні і каледжы, а таксама міністэрству абароны. Але, відаць, для эфектыўнай працы дзяржзаказаў не хапала: з 2016 па 2022 год мясакамбінат рэгулярна выступаў даўжніком у судах.

Сувязі не толькі ў бізнесе?

Згодна з адкрытай базай дадзеных публічных службовых асоб Расіі і Беларусі, Валянцін Байко мае не толькі дзелавыя, але і асабістыя адносіны з кіраўніцтвам мясакамбіната. Дырэктар ТАА «Бярэзінскі мясакамбінат» Уладзімір Віктаравіч Вярбіцкі - зяць Валянціна Байко. Аўтары rupep.org зрабілі аб гэтым выснову на аснове аналізу ўцечак дзяржаўных баз дадзеных.

Сапраўды, у 2019 годзе Ганна Байко — дачка Валянціна Байко — выйшла замуж і змяніла прозвішча на Вярбіцкая. Калі Уладзімір Вярбіцкі стаў дырэктарам мясакамбіната і ці працаваў ён там на момант пачатку ліквідацыі - Hrodna.life невядома.

Дарэчы, раней «Бярэзінскі мясакамбінат» судзіўся таксама з Віктарам Іванавічам Кедам. Магчыма, гэты той самы, што фігуруе і ў сённяшняй справе.

Чытайце таксама: Conte судзіцца з расійскімі іпэшнікамі. У чым прычына?

Якое дачыненне Валянцін Байко мае да мяса?

Валянцін Байко — вегетарыянец. Але да вытворчасці прадуктаў харчавання мае непасрэднае дачыненне. Ён арганізаваў у Гродзенскай вобласці арганічную ферму, выкупіў частку акцый ваўкавыскага «Беллакт», а таксама атрымаў кантроль над шчучынскім «Праймілк», «Тураўскім малочным камбінатам» і над дзевяццю дзяржаўнымі фермамі, якія раней знаходзіліся ў плачэўным стане.

Самы вядомы бізнэс Байко — вытворчасць калгот, шкарпэтак і адзення «Контэ СПА» (а таксама Брэсцкі панчошны камбінат). Акрамя гэтага, ён звязаны з нерухомасцю і будаўнічым бізнесам.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025