Навіны

Пад Гроднам пройдуць вучэнні - «з улікам досведу ва Украіне». Магчыма, з удзелам «Вагнера»

Камандна-штабное вучэнне з 6-й асобнай гвардзейскай механізаванай брыгадай пачынаецца 7 жніўня. Яно пройдзе на палігоне Гожскі і на ўчастках мясцовасці ў Гродзенскай вобласці.

Падчас вучэння збіраюцца адпрацаваць пытанні кіравання падраздзяленнямі ў час вядзення баявых дзеянняў.

Пры падрыхтоўцы да яго актыўна выкарыстоўвалі досвед вайны ва Украіне, удакладнілі ў прэс-службе Міністэрства абароны Беларусі. Беларускае ведамства ўсё яшчэ называе вайну ў суседняй краіне «спецыяльнай вайсковай аперацыяй».

Названы досвед уключае:

  • шырокае прымяненне беспілотных лятальных апаратаў;
  • цеснае ўзаемадзеянне танкавых і мотастралковых падраздзяленняў з падраздзяленнямі іншых родаў войскаў.

Таксама падчас навучальна-баявых дзеянняў адпрацуюць тактычную медыцыну, у тым ліку эвакуацыі ўмоўна параненых.

Баявы досвед ад «Вагнера»

Пра тое, што байцы ваеннага фаравання (прыватнай вайсковай кампаніі) «Вагнер» з Расіі будуць «перадаваць баявы досвед брыгадам, якія сканцэнтраваны ў Брэсце і Гродне», 1 жніўня казаў Лукашэнка. «Яны цалкам бясплатна (хоць і найміты, за грошы ўсюды і ваявалі, і працавалі) дапамагаюць нам, перадаюць досвед», — сцвярджаў ён.

«Вагнераўцаў» у Беларусь, згодна з афіцыйнай версіяй, запрасіў Лукашэнка пасля няўдалага мецяжу Яўгена Прыгожына ў Расіі 23 чэрвеня. Ён узгадніў гэта з Пуціным. Паводле звестак канала «Беларускі Гаюн» на 1 жніўня ў Беларусь прыбылі 14 калон ваеннага фарміравання. У Беларусі знаходзяцца каля сямі тысяч наймітаў, піша звязаны з «ПВК Вагнера» тэлеграм-канал GREY ZONE. Асноўны лагер знаходзіцца пад Асіповічамі. 20 ліпеня Мінабароны паведамляла пра сумесныя трэніроўкі падраздзяленняў сілаў спецыяльных аперацый Узброеных Сілаў Беларусі і байцоў ПВК «Вагнер» на палігоне «Брэсцкі» недалёка ад польскай і ўкраінскай межаў.

Суседзі асцерагаюцца правакацый

4 жніўня стала вядома аб тым, што Літва збіраецца закрыць два пункты пропуска на мяжы з Беларуссю — для мінімізацыі пагроз. Аб знаходжанні сотні «вагнераўцаў» паблізу Гродна і Сувалкскага калідора раней паведамлялі ўкраінскія крыніцы. Для прыкрыцця яны нібыта атрымліваюць форму беларускіх памежнікаў і пад выглядам супрацоўнікаў памежкамітэта будуць суправаджаць бежанцаў у спробах перасекчы мяжу.

Польшча разглядае варыянт поўнага закрыцця мяжы з Беларуссю, паведаміла CNN 4 жніўня са спасылкай на намесніка міністра замежных справаў Польшчы Паўла Яблонскага. Ён сказаў, што байцы ПВК «Вагнера» ўжо спрабавалі трапіць на польскую тэрыторыю з Беларусі.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025