Навіны

Дом афіцэраў на Ажэшкі рыхтуюць да рэканструкцыі: анансавалі грамадскія абмеркаванні

У Гродне рыхтуюцца да рэканструкцыі былога Дома афіцэраў на вуліцы Ажэшкі, 30. Зараз адбываецца ацэнка ўздзеяння на навакольнае асяроддзе, а з 16 жніўня па 14 верасня 2023 года адбудуцца грамадскія абмеркаванні, паведамілі на сайце Гродзенскага гарвыканкама.

Дом афіцэраў у Гродне. Фота: planetabelarus.by

Праект прадугледжвае рэканструкцыю існуючага будынка, які быў прызначаны для культурна-асветніцкіх мерапрыемстваў. Яго плануюць перарабіць пад шматфункцыйны будынак.

Будуць офісы і паркоўкі

У выніку рэканструкцыі ў будынку з’явяцца дадатковыя плошчы для арэнды пад офісы, побач уладкуюць парковачныя месцы, адновіцца гістарычны выгляд забудовы вуліцы Ажэшкі. Канчатковае рашэнне па рэканструкцыі прымуць у кастрычніку 2023 года.

Рэканструяваць будзе кампанія з Брэста

Будынак былога Дома афіцэраў на вуліцы Ажэшкі прадалі з аўкцыёна 28 красавіка. Яго выкупіла будаўнічая кампанія «Палессежылбуд» з Брэста. Кампанія «Палессежылбуд» будуе і рэканструююе будынкі ў розных гарадах Беларусі. Часам — зусім не згодна з іх пачатковым выглядам, нават калі яны размешчаны ў гістарычным цэнтры горада.

Зараз фірма ўзялася за рэканструкцыю будынка на вуліцы Будзёнага, 33 ў Брэсце. Ён ўваходзіць у межы гісторыка-культурнай каштоўнасці «Гістарычны цэнтр Брэста». Нягледзячы на гэты, кампанія заклала ў праекце змены ў габарытныя памеры будынка і характар фасадаў. Але паводле рэгламента ахоўнай зоны гэта рабіць забаронена.

Падобная гісторыя адбылася з будынкам 1930 года на вуліцы Леніна, 42 у Брэсце. Гэты быў прыклад аднапавярховай шараговай забудовы — яго ў 2018 годзе цалкам знеслі і з нуля пабудавалі офісы.

Чытайце таксама: Рэканструяваць Дом афіцэраў у Гродне будзе кампанія з Брэста. Але да яе працы ёсць пытанні

Чым адметны былы Дом афіцэраў

Dom Strzelca пабудавалі ў 1935 годзе. Гэта рэдкі для Беларусі і адметны для Гродна прыклад стылю польскага канструктывізму. У верасні 1939 года ад савецкіх войскаў тут абараняліся вучні польскіх гімназій, некаторыя з іх пазней былі расстраляныя. Пасля далучэння Гродна да СССР Dom Strzelca ператварылі ў Дом афіцэраў.

У 1965 годзе было прынята рашэнне знесці некаторыя будынкі ў акрузе і прыбудаваць да Дому афіцэраў канцэртную залу на 800 чалавек. Яе ўзвялі ў 1973 годзе. Доўгі час яна была галоўнай канцэртнай пляцоўкай Гродна з самай вялікай сцэнай у горадзе.

Чытайце таксама: Былы Дом афіцэраў прадалі ў Гродне па цане кватэры. Яго спрабавалі прадаць больш за 15 разоў

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025