Будынак былога мясакамбіната на вуліцы Камунальная. Крыніца: gcn.by
У Гродне яшчэ раз паспрабуюць прадаць будынкі старога мясакамбіната на вуліцы Камунальнай, недалёка ад стадыёна «Нёман». Пачатковая цана — амаль 543 тыс. рублёў ($ 180,5 тыс.). Аўкцыён адбудзецца 24 жніўня 2023 года. Абвестку размясцілі на сайце Гродзенскага цэнтра нерухомасці.
Агулам прадаюць 16 будынкаў. Паводле ўмоваў продажу новаму ўласніку трэба зрабіць рэканструкцыю нерухомай маёмасці пад жылую сядзібную забудову гарадскога тыпу — таўнхаўсы. Сярод яе павінны размясціцца асобнымі будынкамі сацыяльна гарантаваныя аб’екты абслугоўвання насельніцтва.
Участак з будынкамі спрабуюць прадаць з траўня 2019 года. У кастрычніку 2022 года за ўчастак хацелі 1 млн 479,9 тыс. рублёў (амаль $ 600 тыс). Апошні аўкцыён меў прайсці 9 лютага 2023 года, цану знізілі да 1 млн рублёў, але ахвотных купіць зноў не знайшлося.
Сядзібная забудова на гэтым месцы закладзена ў Праекце дэталёвага планавання цэнтра і Генплане развіцця Гродна да 2030 года. Таўнхаусы на Камунальнай плануюць пабудаваць да 2025 года.
У пачатку мінулага стагоддзя тут была гарадская рэзня — мясакамбінат. З яе пачалася гісторыя прамысловай перапрацоўкі мяса ў Гродне. Савецкая ўлада рэзню нацыяналізавала — так з’явіўся Гродзенскі мясакамбінат. На гэтым месцы ён быў да 1970-х гг., пакуль не пачаў працаваць сучасны мясакамбінат. Зараз ні адзін з будынкаў рэзні не мае статусу гісторыка-культурнай каштоўнасці, хаця фактычна яны з’яўляюцца помнікамі прамысловай архітэктуры.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
