Якую валюту зараз прасцей абмяняць: новыя правілы беларускіх банкаў

Pepi Stojanovski, unsplash.com

Беларускія банкі з 1 ліпеня 2023 года пачалі прытрымлівацца адзіных правілаў абмену банкнотаў замежных валют. «Беларусбанк» апублікаваў спіс пашкоджанняў, пры якіх валюту абмяняюць.

Валюта. Ілюстрацыйнае фота. Крыніца: Pepi Stojanovski, unsplash.com

Пашкоджанні, з якімі валюту прымуць для абмену ў банку:

Не больш за пяць надрываў/надрэзаў не больш 3 мм, альбо 1 надрыў/надрэз даўжынёй не больш за 5 мм, у тым ліку заклееныя празрыстай ліпкай стужкай;
ёсць праколы, адтуліны (не больш за тры) дыяметрам не больш 1 мм кожны;
не больш за тры візуальна бачныя выявы/надпісы, якія складаюцца з літараў, лічбаў, знакаў, сімвалаў, малюнкаў, штампаў, памер кожнага з якіх не перавышае памер квадрата, бок якога 10 мм альбо адна выява/надпіс, памер якой не перавышае квадрат, бок якога 20 мм;
не больш адной візуальна бачнай плямы, у тым ліку скразной, памер якой не перавышае квадрат, бок якога 10 мм.

Якія банкі будуць прымаць валюту па гэтых правілах

Да адзіных правілаў абмену банкнот у замежнай валюце далучыліся:

Беларусбанк;
Белаграпрамбанк;
Сбербанк;
Белінвестбанк;
Прыёрбанк;
БелВЭБ;
Белгазпрамбанк;
БНБ-Банк;
Альфа Банк;
Банк ВТБ Беларусь;
Банк Дабрабыт;
МТБанк;
Тэхнабанк;
РРБ-Банк;
БСБ-Банк;
Банк «Рашэнне»;
Цэптар Банк;
Белінкасгруп;
ІНКАС.ЭКСПЕРТ;
Асацыяцыя беларускіх банкаў
ОптыКурс

Чытайце таксама: У Гродне закрылі банк, да якога заўсёды былі чэргі

Як валюту мянялі раней

Раней кожны банк мог адмовіць у абмене валюты паводле ўнутраных правілаў. Новыя правілы распрацавала банкаўская супольнасць Беларусі ў межах самарэгулявання.