Навіны

Палітзняволенаму журналісту Дзянісу Івашыну ўзмацнілі рэжым: яго адправілі ў турму

Дзяніс Івашын з 19 чэрвеня 2023 года знаходзіцца ў турме № 8 Жодзіна. Інфармацыю паведамілі ў лісце на імя яго мамы Людмілы Івашынай-Добінай. Дакумент размясціла жонка палітвязня Вольга Івашына.

Ліст прыйшоў ад начальніка спецаддзела ўстановы маёра ўнутранай службы Царкоўнага. У лісце на імя маці няправільна пазначылі імя па бацьку Дзяніса. Яго назвалі «Сяргеевічам», а не «Яўгенавічам».

Дзяніса Івашына перавялі ў турму. Фота: Вольгі Івашынай

«Безь якіх-кольвек паведамленьняў Дзяніса, пэўна што без бессэнсоўнай фармальнасьці ў выглядзе „суда“ (іначай як можна патлумачыць тое, што ніхто з нас пра тое ня ведаў ды й як у „судзе“, калі ён быў, абысьціся без дэкарацыі ў выглядзе адваката), перавялі ў… жодзінскую турму, узмацніўшы неправамернае „пакараньне“ строгім рэжымам», — написала Ольга.

А ў чым розніца?

На строгім рэжыме ў палітвязня яшчэ менш магчымасцяў. Цяпер Івашын можа:

  • штомесяц расходаваць на набыццё ў шапіку турмы прадуктаў харчавання і прадметаў першай неабходнасці грашовыя сродкі ў памеры адной базавай велічыні;
  • мець адно кароткатэрміновае спатканне ў год;
  • атрымліваць адну бандэроль (дробны пакет) на працягу года;
  • атрымліваць грашовыя пераводы на яго імя і лісты без абмежавання.

Але і гэта не дакладна

Пры гэтым ніводнага ліста з турмы ад Дзяніса блізкім не прыйшло. 40 дзён сваякі не атрымлівалі ад яго ніякай інфармацыі - не было лістоў і званкоў. Яны меркавалі, што палітвязень трапіў у медсанчастку або памяшканне камернага тыпу. За пяць месяцаў калоніі яму не змаглі перадаць ніводнай перадачы з трох дазволеных у год.

Таксама Вольга мае некалькі пацверджанняў таго, што ў ПК-15 Магілёва Дзяніса збівалі, сцвярджае жонка палітвязня.

Пераслед журналіста

Дзяніс Івашын — гродзенскі журналіст-даследчык, палітвязень. Яго асудзілі на 13 гадоў і 1 месяц калоніі ўзмоцненага рэжыму са штрафам у 150 базавых велічынь (4800 рублёў) па ч.1 арт. 356 «Здрада дзяржаве» і ч. 1 арт. 179 КК «Незаконныя збіранне альбо распаўсюд інфармацыі аб прыватным жыцці». Адбываў пакаранне ў ПК-15 Магілёва, дзе яго неаднаразова змяшчалі ў ШІЗА. Яго сваякам паступалі пагрозы. 25 кніг палітвязня знішчылі.

Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025