Юрый Грышкевіч. Скрыншот з Tik Tok
Кіроўца аднаго з гарадскіх тралейбусных маршрутаў застаўся незадаволены спыненнем руху на двух палосах. Іх перакрылі медыкі, каб аказаць дапамогу пацыенту. Пра сітуацыю 10 чэрвеня распавёў у TikTok фельчар хуткай дапамогі Юрый Грышкевіч.
«Усім прывітанне! Я — фельчар хуткай дапамогі. Учора на выкліку, аказваючы дапамогу пацыенту на праезнай частцы, мы заблакавалі дзве паласы руху для ўласнай бяспекі і бяспекі пацыента. Тым самым утварыўшы затор на дарозе», — распавёў хлопец.
Паводле яго слоў, кіроўца тралейбуса, які стаяў за аўтамабілем хуткай дапамогі з уключанымі маячкамі, выказаў незадаволенасць. Ён сказаў, што сфатаграфаваў нумары машыны і папрасіў прыбраць яе, забяспечыўшы праезд. Інакш, маўляў, у медыкаў будуць непрыемнасці. Дзе менавіта спынілі рух, Юрый не ўдакладніў.
«Рабяты, я не ведаю, куды ўсе спяшаюцца, куды ўсім больш патрэбна, але я лічу, што больш, чым нам і хутчэй, чым нам, нікуды не трэба. Беражыце сябе», — сказаў Юры.
Відэа набрала амаль 20 тыс. лайкаў і больш за 500 каментароў. У каментарах пагадзіліся з хлопцам. Усяго ў Юрыя ў TikTok 143 тыс. падпісчыкаў і 3 млн лайкаў. У сацсетцы хлопец распавядае пра працу ў медыцыне і жыццё ў Гродне.
Чытайце таксама: «Гестапа поўнае». Медыкі «хуткіх» у Гродне цяпер ездзяць з відэарэгістратарамі
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…