Сярэдні час праходжання беларуска-польскай мяжы на аўтобусе — 15−20 гадзін. Але працэдуру можна паскорыць. Напрыклад, перасесці ў аўтобус, які ў чарзе стаіць бліжэй да шлагбаўма. Вядома, за грошы. Як яшчэ сёння зарабляюць на мяжы, даведалася «Медыязона»?
З лютага 2023 года патрапіць у Польшчу з Беларусі можна толькі праз пункт пропуска «Брэст — Цярэспаль» альбо ў аб’езд праз Літву. У выхадныя дні, калі колькасць аўтобусаў павялічваецца, у чарзе ў «Брэсце» можна ўбачыць чалавека, які ходзіць паміж аўтамабілямі. Ён прадае кіроўцам і пасажырам каву з малаком. Цана — два рублі за кубачак.
Пасажыры, якія спазняюцца альбо хочуць хутчэй прайсці мяжу, могуць перасесці ў аўтобус, які стаіць бліжэй да шлагбаума. Кіроўцы бяруць за гэта ў сярэднім 100 злотых або 50 рублёў. Прымаюць любую валюту. За гэтыя грошы могуць давезці да Варшавы. Падсесці ў аўтобус да Цярэспаля альбо Бялай-Падляскай — € 10 альбо 25 рублёў.
Такіх перасадак можа быць некалькі. Напрыклад, калі чалавек спазняецца, ён можа перасесці ў аўтобус перад беларускай мяжой, а калі яе пройдзе, то перайсці ў аўтобус, які стаіць бліжэй да польскай мяжы.
Праходзіць мяжу на аўтамабілі можна больш за суткі. Перад уездам у зону чакання кіроўцы павінны аплаціць электронную чаргу. Перад шлагбаўмам ёсць будка, дзе адбываецца рэгістрацыя.
Месцы ў чарзе прадаюць перад шлагбаўмам. Кіроўцам могуць не толькі прадаць месца, а яшчэ і пастаяць за іх у чарзе. Такая паслуга каштавала ў жніўні 2022 ад 50 рублёў да € 100. Канчатковая цана залежала ад адлегласці да накапляльніка перад мяжой. Цяпер паведамленні пра продаж месцаў у чарзе выдаляюць з памежных чатаў адміністратары.
«Медыязона» знайшла двух кіроўцаў, гатовых аказаць такія паслугі. Адзін быў не супраць прастаяць у чарзе ў «Прывалцы» за 10 рублёў у гадзіну плюс 15 рублёў за паліва. Другі кіроўца быў гатовы прадаць месца ў чарзе на мяжы з Польшчай за $ 10.
Некаторыя беларусы зараблюць на тэхніцы: купляюць у Польшчы і прадаюць у Беларусі. Напрыклад, на кансолях Sony PlayStation 5 и Nintendo Switch у 2022 годзе можна было зарабіць 400 рублёў з аднаго продажу.
Прыстаўка Sony PlayStation 5 у польскім Mediaexpert каштуе зараз $ 678, у беларускім «5 элеменце» — $ 1017. Розніца — $ 339, і гэта без уліку магчымасці вярнуць ПДВ (VAT).
У чаце «ГраницаBY» ёсць аб’явы ад людзей, якія гатовыя прывезці тэхніку, алкаголь, парфюм. Цана паслугі залежыць ад тавара. Напрыклад, за прывоз тэлевізара з дыяганаллю 42 дзюймы трэба заплаціць $ 100. Прывезці адну шыну для аўтамабіля — $ 30.
Некаторыя кіроўцы могуць узяць пасажыра на падсадку, а замест аплаты папросяць іх перавезці частку тавараў, каб не перавышаць мытныя абмежаванні. За суму ад $ 5 да $ 20 кіроўцы альбо пасажыры могуць прывезці дакументы, лекі, а таксама невялікія перадачы.
Чытайце таксама: Дзе беларусам аформіць «Зялёную карту» для выезду за мяжу?
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…