У бары "Публіка". Фота: nastassia_maggie
У Гродне на Маставой, 31 з’явіўся новы бар — з кактэйлямі, ліманадамі і сняданкамі-канструктарамі.
Раней у гэтым памяшканні быў бар SVABODA. Інтэр'ер крыху змянілі: сцены сталі светла-шэрымі, з’явіліся люстэркі, скляпеністую цагляную столь пакінулі, фон бара — цёмны.
З 10:00 да 14:00 у новым бары падаюць сняданкі. Сняданак абыйдзецца ад 7 да 15 руб. Можна сабраць канструктар на аснове амлета, скрэмбла або яечні. «Традыцыйны сняданак» з двух яек з сасіскамі, бяконам, фасоллю і тостамі каштуе 12 руб. Ёсць дранікі з чырвонай рыбай і крэм-чызам, аладкі, бліны, аўсяная каша, брыёш, круасаны і сырнікі. Кожнаму госцю да сняданку абяцаюць бясплатны келіх пеністага віна.
Паесці больш сур’ёзна можна за 7−20 руб. Для пачатку прапануюць з’есці тартар, карпача, сэт паштэтаў, запечаны камамбер або мідыі. Гарніры абыдуцца ў 5 руб.: гэта бульба ў розных формах, батат, гародніна на грылі. Салата з салодкіх таматаў з баклажанамі каштуе 10 руб., з грушы з блакітным сырам або цэзар — 15. Ёсць тры гатункі супу, пасты, на гарачае — ласось, свіныя рэбры, ялавічына, бургеры. Ёсць дэсерты.
Бар адкрыты з 10:00 да 23: 00. Кухня працуе да 22:00.
З напояў можна замовіць каву за 3−5 руб. (можна папрасіць напой на альтэрнатыўным малацэ), мілкшэйкі, класічныя (5 руб.) і аўтарскія (7 руб.) гарбата, ліманады па 10 рублёў, смузі і фрэшы.
У барным меню ёсць класічныя кактэйлі ад 12 да 15 руб., разліванае піва па 6 руб. за паўлітра і крафтавае па 7, медавуха, шоты, віно і моцныя напоі.
Гродзенскі бар SVABODA закрыўся ў снежні 2022 года. Да гэтага ён прапрацаваў больш за чатыры гады. Бар адрозніваўся кактэйльнай картай: яе склалі ў гонар вядомых беларускіх пісьменнікаў, мастакоў і музыкаў. У меню можна было знайсці кактэйль «Апошняе каханне» ў гонар рамана Элізы Ажэшкі, кактэйль з мядовага сіропу і вугальнага пылу «Развітанне з Радзімай» у гонар Міхала Клеафаса Агінскага, «Не быць скотам» і «Маладая Беларусь» па матывах творчасці Янкі Купалы, адсылкі да творчасці Васіля Быкава, Адама Міцкевіча, Марка Шагала і іншых. Пра прычыну закрыцця бар не паведаміў.
У мікрараёне Фолюш у Гродне ўзвядуць парк адпачынку. Яго хочуць зрабіць камфортным для моладзі і…
Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…
Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…