Чабурэкі ад франшызы. Фота: Instagram.com/cheburekme.belarus
Новая чабурэчная «ЧебурекМи» адкрыецца на Карла Маркса, 40, насупраць Дома сувязі. Гэта кропка ад расійскай франшызы.
У меню франшызы — чабурэкі з мармуровай ялавічынай, з курыцай па-азіяцку, са свінінай і ялавічынай, з мацарэлай і вяндлінай, з мацарэлай, з клубніцамі і бананам, з рыбай і тварожным сырам. Ёсць міні-чабурэкі, чабурэкі-пірагі, супы. Вага чабурэкаў ад 125 г — з мацарэлай да 155−165 г — з мясной начынкай.
У меню гродзенскага пункту чабурэкі з мармуровай ялавічынай будуць даражэйшыя за іншыя, але кошт усё роўна будзе дэмакратычны, піша «Вечерний Гродно» са спасылкай на ўласнікаў установы. У наяўнасці будуць таксама розныя напоі і закускі.
Ежу будуць прадаваць у аднаразовай упакоўцы, абяцаюць, што яна не будзе працякаць. Унутры ўстановы будзе 8−10 пасадачных месцаў, але асноўны фармат працы — ежа на вынас.
Зараз ідзе падрыхтоўка да адкрыцця. У тэставым рэжыме кропка запрацуе дзён праз 10, а ў адну з субот чэрвеня адкрыецца афіцыйна.
У сеткі закусачных «ЧебурекМи» працуе больш за 270 кропак у Расіі, Эстоніі, Узбекістане і Беларусі. У Беларусі да цяперашняга моманту было адкрыта тры кропкі ў Мінску, дзве ў Оршы і адна ў Светлагорску.
Чытайце таксама: У Гродне адрадзілі тую самую «Чабурэчную» — з рэцэптамі, атмасферай і на той жа вуліцы
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…