Акцыя пратэста ў Гродне. Ілюстратыўнае фота Hrodna.life
Актывісты і арганізацыі ў Беларусі працягваюць барацьбу. Аб гэтым заявіў Андрэй Ягораў, палітолаг і спікер Каардынацыйнай Рады, на сустрэчы з беларускімі актывістамі і ініцыятывамі ў Беластоку. Яе тэма — «Як захаваць беларускую ідэнтычнасць за мяжой і ў Беларусі».
— Нягледзячы на ўвесь жах, які адбываецца ў краіне, там дзейнічаюць тысячы грамадскіх арганізацыяў і актывістаў, якія сёння працягваюць сваю барацьбу. І мы ім патрэбныя тут (у эміграцыі - Hrodna.life) як моцныя арганізацыі, моцная інфраструктура, як тое, што дапамагае падтрымоўваць гэтую актыўнасць. Бо ў рэшце рэшт, гэта беларусы ў Беларусі будуць вырашаць пытанне з пераўтварэннем у краіне, — лічыць Андрэй Ягораў.
Магчымасцей для працы ў Беларусі ўсё менш. Толькі за мінулы тыдзень у Гродзенскай вобласці затрымалі 16 чалавек. За месяц прайшло не менш за сем пасяджэнняў аб ліквідацыі грамадскіх арганізацый.
Каардынацыйная Рада называе сябе адзіным прадстаўнічым органам беларускага грамадства. Яна была створана з ініцыятывы Святланы Ціханоўскай з мэтай арганізацыі працэсу пераадолення палітычнага крызісу. Ягорава выбралі спікерам Рады ў сакавіку 2023 года. Сярод сяброў Рады — палітзняволеныя Марыя Калеснікава і Максім Знак.
Беларусы ў эміграцыі за апошнія тры гады стварылі каля 50 розных арганізацый. Адзін з накірункаў - гэта менавіта дапамога беларусам унутры краіны, лічыць Ягораў.
Чым можна дапамагчы, трэба пытацца ў саміх беларусаў, лічыць Ягораў. Для гэтага трэба мець наладжаныя сувязі і падтрымліваць іх. Напрыклад, для гэтага палітыкі ў эміграцыі ў тым ліку праводзіць анлайн-сустрэчы з блізкімі палітвязняў і пішуць лісты зняволеным. Таксама гэта — фінансавая дапамога, дапамога ў навучанні і кансалтынгу гэтых ініцыятываў. Трэба звязваць людзей паміж сабой, бо для іх унутры краіны наладжваць сувязі можа быць небяспечна.
«Мы сёння знаходзімся ў сітуацыі дзвюх незавершаных рэвалюцый. Ёсць адна вялікая гістарычная рэвалюцыя, якая пачалася з распаду Савецкага Саюза і доўжыцца да сённяшняга часу. Гэтая рэвалюцыя звязаная з набыццём падняволенымі народамі сваіх свабодных, дэмакратычных, незалежных дзяржаваў на той прасторы, якія называлася камуністычнай. Нашая другая незавершаная беларуская рэвалюцыя — частка вялікай рэвалюцыі. Тая вайна, якая сёння ідзе ва Украіне — гэта спроба імперыі не даць Украіне стаць вольнай, незалежнай, дэмакратычнай.
Гэты вялікі гістарычны працэс будзе даваць нам шансы на змены. Абавязкова! Тое, што мы прайгралі 20-ы год і не змаглі перамагчы, не значыць, што новых шансаў не адкрыецца. Гэтыя шансы будуць і яны будуць скарыстаныя перш за ўсё тымі супольнасцямі ў Беларусі, якія захаваюцца і будуць захоўваць устаноўку на набыццё свабоды, дэмакратыі, вольнасці, рынкавай эканомікі. Гэта яны — тыя, хто будуць дзейнічаць. На іх патрэбы трэба арыентавацца", — кажа Андрэй.
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…
Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…
Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…