Ксёндз Дзмітры Малец. Фота: grodnensis.by
Ксёндз з Навагрудка Дзмітры Малец прызваны на тэрміновую службу ў войска. Да сканчэння прызыўнога ўзросту яму заставаўся ўсяго месяц. Гэта першы вядомы выпадак прызыву святара.
UPD. Ксяндза Дзмітрыя ўсё ж не забяруць у войска, паведаміў пробашч парафіі ксёндз Юрый Жэгарын. На відэа, якое ён апублікаваў раней, бачна, што ў лідскі ваенкамат Дзмітрый Малец прыйшоў у сутане. Адтуль яго скіравалі ў Гродна. Паводле звестак Katolik.life, святара паклалі ў шпіталь для медыцынскага назірання.
Дзмітрый Малец — вікарый парафіі святога Міхала Арханёла ў Навагрудку. 22 траўня, а 18:00 у касцёле пройдзе развітальная імша, паведаміў ксендз Юры Жыгарын у суполцы «Каталікі Беларусі».
Дзмітры Малец нарадзіўся ў Лідзе, скончыў Вышэйшуюй духоўную семінарыю ў Гродне, святарскае пасвячэнне прыняў у 2020 годзе. 18 чэрвеня яму споўніцца 27 гадоў - сканчэнне прызыўнога ўзросту. Акрамя служэння ў Навагрудку ксяндз Дзмітры таксама абслугоўвае вернікаў з вескі Любча. Ва ўмовах недахопу святароў прызыў вікарыя ў войска стане праблемай для парафіі, падкрэслівае Katolik.life.
Ксяндза прызвалі ў транспартныя войскі. Імаверна, гэта звязана з тым, што вайскоўцы там найчасцей выконваюць дарожныя работы, і браць у рукі зброю не абавязкова.
Пра тое, што праваслаўных святароў зараз будуць прызываць у войска, паведаміў канал «Хрысціянская візія» са спасылкай на ліст, разасланы ў епархіі БПЦ. У ім у сваю чаргу спасылаюцца на ліст упаўнаважанага па справах рэлігій і нацыянальнасцяў Аляксандра Румака
Раней праваслаўным і каталіцкім святарам у Беларусі давалі адтэрміноўку, і на практыцы служыць у войска яны не ішлі.
Чытайце таксама:
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…