Рэканструкцыя комплекса былога піўзавода ў Гродне. Скрыншот "Беларусь 4 Гродна"
Першы будынак адрэканструяванага комплексу былога Гродзенскага піўзавода плануюць адкрыць у другой палове 2023 года. Галоўны будынак з барамі, рэстаранамі, фудкортамі і мініброварам адкрыюць у сярэдзіне 2024 года, паведаміў тэлеканал «Беларусь 4 Гродна».
Зараз на аб’екце штодзённа працуюць больш за 50 чалавек. Яны завяршаюць першы будынак комплекса — цэх па разліве піва. Падчас рэканструкцыі будынка захавалі гістарычныя скляпенні. У іх плануюць арганізаваць арт-прастору, а побач адкрыюць музей гродзенскага броварства. Зараз спецыялісты распрацоўваюць экспазіцыю.
«Мы спрабуем, каб экспанаты былі максімальна аўтэнтычнымі. Была ідэя выкарыстаць муляжы, выкарыстаць прывезеныя рарытэты, знойдзеныя не ў нас. Але на гэтым этапе мы спрабуем знайсці тое, што было знойдзена ў Гродне. Гродзенскія энтузіясты дапамагаюць», — сказаў намеснік дырэктара ТАА «МБА Інвестмент», якое праводзіць рэканструкцыю, Аляксандр Заглубоцкі.
Чытайце таксама: Па гродзенскім піўзаводзе цяпер можна гуляць у любы час. З’явіўся віртуальны тур
На тэрыторыі комплекса ў перспектыве размесцяць 10−12 аб’ектаў грамадскага харчавання. Комплекс аб’яднаюць такім чынам, каб, патрапіўшы ў адну лакацыю, можна было прайсці праз усе прасторы і вярнуцца. Старую агароджу вакол былога піўзавода дэмантуюць і арганізуюць спуск да Нёмана. Разам з набярэжнай і замкавай гарой комплекс аб’яднаюць у адну прастору.
Міні-бровар плануюць размясціць ў памяшканні, дзе ён размяшчаўся раней. Зараз распрацоўваюць рэцэптуру піва. Паводле Заглубоцкага, гэта будзе піва, якое можна будзе пакаштаваць не толькі ў комплексе піўзавода, але і ў іншых установах горада.
Чытайце таксама:
У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…
Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…
У Гродне на продаж выставілі дом на 2-м Падольным завулку - па суседстве з рэстаранам…
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…