Падчас вобшуку пры затрыманні журналіста Дзяніса Івашына сілавікі вынялі кнігі. Паводле рашэння суда 25 кніг вырашылі знішчыць. Сярод іх – вайсковы слоўнік, кнігі аб прапагандзе і таталітарызме.
“Падчас ператрусу ў нашай кватэры 12 сакавіка 2021 года супрацоўнікі УКГБ па Гарадзенскай вобласьці між іншага надта цікавіліся нашай сямейнай бібліятэкай. А некаторыя асобнікі ім так “спадабаліся”, што яны іх вырашылі “забраць” сабе для прачытаньня. Памкненьне пахвальнае, але ж каб хоць павярнулі потым уладальнікам пазычанае. Дзе там! “Вывучылі” і рукамі людзей у чорнай мантыі пастанавілі зьнішчыць. 21 стагодзьдзе, цэнтар Эўропы, чаму б не пачаць паліць кніжкі!”, – напісала жонка палітвязня Вольга Івашына.
Вольга прывяла спіс кніг:
- “З невичерпного джерела”,
- “Абэцэда”,
- “Беларускі нацыяналізм”,
- “Чаму беларус абавязаны быць нацыяналістам”,
- “Вайсковы слоўнік”,
- “108 дзён і начэй у засьценках КДБ”,
- “О сектантах”,
- “Таталітарызм”,
- “Прапаганда”,
- “Хрышчэньне нацыі”,
- “Беларусь за 10 падарожжаў”,
- “Светапоглядныя асновы дэмакратычнага руху”,
- “Антыбальшавіцкія паўстаньні і партызанская барацьба на Беларусі”,
- “З невичерпного джерела”,
- “Гібридная война”,
- “Крим за завісою”,
- “Хроника гибридной войны”,
- “Смисли і війни”,
- “Росія: ідентичность агресора”,
- “Вторжение в Украину”,
- “Донбасс в огне”,
- “ОУН і УПА в боротьбі за Українську Державу”,
- “Міжнародний центр протидіі Російській пропаганді”,
- “Тенденціі у світі”,
- “Індекс війни”.
Дзяніс Івашын — журналіст-расследавальнік з Гродна, прызнаны палітвязнем. Асуджаны на 13 гадоў 1 месяц калоніі ўзмоцненага рэжыму са штрафам у 150 базавых велічынь (4800 рублёў) па ч.1 арт. 356 «Здрада дзяржаве» і ч. 1 арт. 179 КК «Незаконныя збіранне альбо распаўсюд інфармацыі аб прыватным жыцці». Адбывае пакаранне ў ПК-15. Неаднаразова трапляў там у ШІЗА. Яго сваякам паступалі пагрозы.
Чытайце таксама: Забароненыя кнігі ў Беларусі: экстрэмізм, «няправільная» любоў і «небяспечная» гісторыя
