Траншэі на Фолюшы. Фота чытача Hrodna.life
На Фолюшы ў пачатку траўня пачаліся актыўныя працы, паведаміў чытач Hrodna.life. Будаўнікі выкапалі траншэю ад канчатковага пункта «Фолюш» да Камбіната бытавога абслугоўвання. Чытач выказаў здагадку, што так праводзяць кабель для новых слупоў, папрасіў даведацца падрабязнасці і знайсці план задуманага. Рэдакцыя Hrodna.life адказвае.
На гэтым месцы пракладваюць сеткі электразабеспячэння для новага мікрараёна ў раёне вуліц Соламавай, Хвойнай і Фолюш. Работы павінны быць праведзены з 24 красавіка па 7 жніўня 2023 года. Інфармацыю пра гэта мы даведаліся на сайце дзяржзакупак. Новых вулічных ліхтароў на гэтым участку праект не прадугледжвае.
Таксама чытач адзначыў, што «Гроднажылбуд» пачаў будаваць першы дом у закінутай вайсковай частцы на Фолюшы ў траўні 2022 года. Па пашпарце аб’екта дом павінны былі здаць вясной 2023 года. На сённяшні дзень пашпарт аб’екта прыбралі, працы яшчэ не скончыліся.
Новы мікрараён на Фолюшы пачалі будаваць у канцы 2021 года на месцы былога ваеннага гарадка № 15. Да гэтага ён разбураўся пару дзясяткаў гадоў. Па плане, там будзе 13 шматкватэрных дамоў на 5350 чалавек. Таксама пабудуюць школу, дзіцячы сад, паліклініку і два паркі.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…