Гродзенская вобласць — самая аўтамабілізаваная ў Беларусі. Як змянілася колькасць машын за год?

На 1000 жыхароў Гродзенскай вобласці У 2022 годзе прыходзілася 380 легкавых аўтамабіляў у прыватнай уласнасці. Гэта найбольшы паказчык у Беларусі — Гродзенская вобласць працягвае захоўваць лідарства.

У сярэднім у 2022 годзе на 1000 жыхароў у Беларусі прыпадала 323 легкавыя аўтамабілі, піша Myfin са спасылкай на Белстат. Таксама вышэйшы за сярэдні па краіне паказнікі ў Мінскай і Брэсцкай абласцях. Агулам жа ў Беларусі ў канцы 2022 года ў прыватнай уласнасці жыхароў было 2 млн 974 тысячы 303 легкавыя аўтамабілі.

Сітуацыя па колькасці легкавых аўто на 1000 жыхароў па абласцях на 2022 год выглядае так:

• Гродзенская вобласць — 380;
• Брэсцкая вобласць — 344;
• Мінская вобласць — 341;
• Мінск — 309;
• Магілёўская вобласць — 314;
• Віцебская вобласць — 305;
• Гомельская вобласць — 286.

Акрамя легкавых аўтамабіляў, у прыватнай уласнасці беларусаў у 2022 годзе знаходзілася 418 326 матацыклаў і матаролераў, 139 801 грузавых аўтамабіляў і 10 400 аўтобусаў.

У 2021 годзе ў сярэднім у Беларусі прыходзілася амаль столькі ж аўто на 1000 жыхароў - 324.

Гродна і раней усіх пераганяла

Яшчэ ў 2018 годзе Гродна быў самым аўтамабілізаваным горадам Беларусі. Па колькасці аўтамабіляў ён перагнаў нават Мінск. Асабісты транспарт — аўто ці матацыкл — меў амаль кожны другі гродзенец. Легкавы аўтамабіль — у кожнага трэцяга. На 1 студзеня 2018 года ў горадзе было зарэгістравана 158 669 транспартных сродкаў. Тады забяспечанасць аўтамабілямі ў Гродне складала 340 машын на 1000 чалавек.

Чытайце таксама: Гродзенец сабраў 18 рэтра-аўтамабіляў: цяпер яго калекцыя каштуе $ 100 000