Наталля Качанава і Ігумення Гаўрыіла. Крыніца: sovrep.gov.by
У манастырах Беларускай праваслаўнай царквы будуць арганізоўваць прыюты для дзяцей. Першым такім манастыром будзе Гродзенскі Свята-Растава-Багародзічны жаночы манастыр, якім кіруе ігумення Гаўрыіла. Пра гэта паведаміў Telegram-канал «Гродненские сливы».
Ствараць прыюты для дзяцей, чыіх бацькоў пазбавілі бацькоўскіх правоў, прапанавала старшыня Савета рэспублікі Наталля Качанава. Падобны прыют яна ўбачыла ў маскоўскім Пакроўскім манастыры, калі ездзіла туды са старшынёй расійскага Савета Федэрацыі Валянцінай Матвіенка.
«Матушка Феафанія нам паказала прытулак для дзяцей, чые бацькі пазбаўленыя бацькоўскіх правоў. У Расіі дазволена пры манастырах ствараць прытулкі. У прыватнасці, у Пакроўскім манастыры ўжо досыць вялікі досвед працы з дзецьмі. Наступная сацыялізацыя выхаванцаў прытулку паказвае паспяховыя вынікі», — сказала Наталля Качанава.
«Хочацца, каб гэта аказалася тым, пра што думаю і на што спадзяюся: што ў краіне такі закрыюць усе гэтыя шэлтары, СОС-дзіцячыя вёскі і іншыя прытулкі і „пакоі, дружалюбныя падлеткам“, арганізаваныя НДА з замежным фінансаваннем і рэалізуюць у Беларусі Заходнюю неаліберальную павестку па сэксасвеце з 3 гадоў і павазе да вычварэнцаў і наркаманаў», — напісала актывістка Вольга Бондарава ў сваім Telegram-канале.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…