Млын у Зэльве. Крыніца: planetabelarus.by
У Зэльве прадаюць будынак млына XIX стагоддзя. За пабудову хочуць 30 тыс. рублёў ($ 10 тыс.). Млын можна перарабіць пад аграсядзібу альбо гасцініцу. У спіс гісторыка-культурных каштоўнасцей пабудова не ўнесена.
Плошча будынка 720 кв.м. Да трохпавярховай пабудовы прылягае ўчастак у 50 сотак. Млын размяшчаецца на рацэ Зэльвянцы побач з Зэльвенскім вадасховішчам. Да будынка праведзена электрычнасць, ёсць асфальтаваная дарога. Побач з млыном можа быць выдзелены ўчастак для пабудовы жылога дома.
Сённяшні ўладальнік будынка — Іосіф — разам з братамі выкупіў былы млын каля 10 гадоў таму. Ён хацеў зрабіць там гатэль. Але пасля аварыі не знайшоў сіл займацца рэканструкцыяй.
«Гэта тыповы праект млына. Першапачаткова ён быў чатырохпавярхы, у гатычным стылі. Але калі праз Зэльву праходзілі нямецкія войскі, тут былі сур’ёзныя баі і будынак моцна пацярпеў. Пасля вайны яго перабудавалі, скараціўшы вышыню да трох паверхаў. У савецкі час млын выкарыстоўваўся як склад. А потым доўга стаяў без справы, пакуль яго не выкупіў адзін энтузіяст» — сказаў гаспадар будынка Іосіф.
Млын на Зэльвянцы пабудавалі ў канцы XIX стагоддзя. На млыне было кола з зуб’ямі дыяметрам тры метры. На версе будынка была выкладзена дата пабудовы.
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…