Аляксандра Ханевіч пасля першага затрымання, 2020 год. Фота: Hrodna.life
Гродзенка і палітуцякачка Аляксандра Ханевіч у 71 год завяла ўласны YouTube-канал. Там яна расказвае гісторыю свайго затрымання пасля выбараў у 2020 годзе і ўцёкаў з Беларусі ў Польшчу. Жанчына абяцае дзяліцца падрабязнасцямі - як гэта, пасля 70 пачынаць новае жыццё за мяжой.
«Мяне клічуць Аляксандра Ханевіч і я ўцякла з Беларусі. Цяпер будую сваё новае жыццё ў Польшчы. Тут я буду расказваць пра сваё жыццё ў эміграцыі і не толькі», — так пачынаецца блог гродзенкі.
Пакуль на канале толькі адно відэа. У ім Ханевіч расказвае пра тое, як і чаму яна ўцякала з Беларусі, пра сваю сямейную гісторыю пераследу і першы час пасля ўцёкаў.
Аляксандра Ханевіч працавала на заводзе «Хімвалакно» ўсё жыццё. На пенсіі стала старшынёй ветэранскай арганізацыі і нават збірала подпісы за Лукашэнка перад выбарамі. Затрыманні і гвалт 2020-га сталі для жанчыны шокам. Яе саму першы раз затрымалі, калі яна спрабавала адбіць у сілавікоў хлопца, падобнага да яе сына.
Пасля выбараў яе затрымлівалі двойчы. Пасля другога затрымання ёй давялося здымаць пабоі. Баючыся чарговага арышту, Ханевіч наважылася на ўцёкі ў Польшчу разам з сынам, якога таксама затрымлівалі. У снежні 2021 года яна прыехала ў вёску Кузніца.
Чытайце таксама: У Гродне пенсіянерку асудзілі на 2,5 гады «хатняй хіміі» за лайк у «Аднакласніках»
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…