Навіны

Літоўскі бізнесмен, які дапамагаў «Гродна Азот» абыходзіць санкцыі, прызнаўся і папрасіў прабачэння

Саўлюс Коціс прызнае датычнасць свайго бізнеса да магчымай схемы абходу санкцый супраць «Гродна Азот». Удзел яго кампаніі ў схеме раней раскрыў журналісцкі расследавальніцкі цэнтр Siena.

Затрыманы груз беларускіх угнаенняў, 21 лютага 2023. Фота: Žygimanto Gedvilos / BNS

Бізнесмен, які жыве і працуе ў Кыргызстане, публічна выбачыўся і аб’явіўся аб прыпыненні дзейнасці, звязанай з магчымым парушэннем санкцый.

«Я згару ў вогнішчы сораму і нянавісці да сябе», — напісаў пра сітуацыю Коціс.

Як менавіта абыходзілі санкцыі?

Журналісты-расследавальнікі выявілі ланцужок кампаній, пра якія ў Літву ўвозілі беларускі карбамід. Яго адзіным вытворцам у Беларусі з’яўляецца «Гродна Азот» — прадпрыемства з санкцыйнага спісу Еўрасаюза.

Але ў Літву тавар прадавала фірма-пракладка «Тэхнаспецтрэйдынг». Схема працавала, бо пад санкцыямі толькі юрыдычна асоба «Гродна Азот», але не яго прадукцыя.

Чытайце падрабязней: Фирма-прокладка от райисполкома и путь в Дубай через Литву. Как «Гродно Азот» обходит санкции

Перавозку груза чыгункай аплаціла клайпедская фірма «Girera», а пакупніком была кыргызская кампанія «Місір.Ко», акцыянерам якой з’яўляецца Коціс.

«„Місір.Ко“ (я саўладальнік) займалася экспартам беларускіх угнаенняў у студзені-лютым гэтага года. Кантракт быў падпісаны і выкананы маімі партнёрамі на падставе сертыфікатаў, што гэта не санкцыйны прадукт. (…) Я прыношу прабачэнні перад усімі, каго расчаравалі безадказныя паводзіны маіх калег і мае», — патлумачыў Саўлюс Коціс.

Прадпрымальнік запэўнівае, што кантракт на пастаўку карбаміду скасаваны, а дзейнасць «Місір.Ко» прыпыненая.

Праваахоўнікі правядуць расследаванне

У канцы лютага праваахоўныя органы Літвы заявілі аб правядзенні маштабнага дасудовага расследавання па фактах кантрабанды беларускіх угнаенняў і парушэння санкцый. Падчас следства было затрымана 3 тысячы тон карбаміду — такі груз зафіксавалі журналісты «Siena» і «Atvira Klaipėda» на тэрыторыі клайпедскай кампаніі «Birių krovinių terminalas» (BKT) у пачатку лютага.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025