Навіны

«Ніводнай заяўкі з-за мяжы». На Казюкі ў Гродне збяруцца толькі беларускія рамеснікі

Кірмаш «Казюкі» адбудзецца ў Гродне 4 сакавіка. Асноўнай тэмаю свята стане саломапляценне. Пляцоўку пад кірмаш арганізуюць на Савецкай плошчы, паведаміў «Вячэрні Гродна».

«Казюкі» у Гродне ў 2019 годзе. Фота: Руслан Кулевіч

На Савецкай плошчы ўсталююць намёт. У ім выставяць вырабы з саломы, таксама на плошчы адбудуцца майстар-класы ад рамеснікаў і майстроў з раённых дамоў рамёслаў.

У снежні 2022 года беларускае саломапляценне ўнеслі ў спіс нематэрыяльнай культурнай спадчыны ЮНЕСКА.

Рамеснікі з-за мяжы не прыедуць

У народным аматарскім аб’яднанні майстроў і мастакоў «Гарадзенскі каларыт» сабралі больш за сто заявак на ўдзел у кірмашы. «Сёлета атрымалі шмат заявак з Пінска, Магілёва, Віцебска і Гродна», — сказала кіраўніца арганізацыі «Гарадзенскі каларыт» Алена Маліноўская. Але ў гэтым годзе майстры з-за мяжы не падалі ніводнай заявы на ўдзел.

Святкаваць «Казюкі» пачнуць у 12:00. Гандлёвыя шэрагі будуць працаваць да 17:00.

Чытайце таксама: Песні на трох мовах, рамесная выстава і шашлыкі з блінамі. У Гродне прайшлі Казюкі і Масленіца

«Казюкі» адзначаюць больш за 20 гадоў

Кірмаш «Казюкі» адбываецца ў Гродне больш за 20 гадоў. Яго праводзяць 4 сакавіка ў Дзень святога Казіміра. Патрон свята — польскі каралевіч і літоўскі княжыч Казімір. Ён памёр маладым у Гродне і быў прызнаны святым. Святога Казіміра лічаць заступнікам Гродзенскай каталіцкай дыяцэзіі, моладзі, майстроў і рамеснікаў.

Чытайце таксама: «Беларускае золата» ўзростам больш за 200 гадоў: саламяныя Царскія вароты са Старога замку

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025