Автовокзал Гродно. Фото: avtovokzal-grodno.ru
Пакуль працаваў памежны пункт пропуска «Баброўнікі», цана за білет на маршрутку Гродна — Беласток складала 60 рублёў. Зараз некаторыя перавозчыкі павысілі цану. Hrodna.life даведаўся, за колькі можна даехаць з Гродна ў Беласток.
На сайце па продажы білетаў гродзенскага аўтавакзала набыць білет з Гродна ў Беласток раніцай 13 лютага можна было па ранейшай цане — за 60 рублёў. Такую цану пакінулі перавозчыкі «ЗЭТ», «Трансагенцтва Фаварыт» і «Гродна Экспрес». За 80 рублёў прадаюць білеты на аўтобусы Аўтобуснага парка Гродна.
У даведцы гродзенскага аўтавакзала журналісту Hrodna.life пацвердзілі, што ўсе цэны актуальныя. «Толькі ў 8:40 і 22:10 білеты каштуюць па 80 рублёў». Таксама там сказалі, што зараз маршрут аўтобусаў будзе пралягаць праз пункт пропуска «Прывалка» і Літву.
UPD. Раніцай 13 лютага білеты па маршруце Гродна — Беласток на сайце агрэгатары Atlasbus.by каштавалі 60 рублёў. Увечары сайт вельмі павольна загружаўся, а месцы то былі ў наяўнасці, то адсутнічалі. Цана білетаў, якія з’яўляліся ў продажы, была ўжо 70−80 рублёў. Верагодна, гэта звязана з тым, што перавозчыкі самі знялі іх для пераацэнкі.
Цана білетаў у перавозчыка Białystok Ekspres вырасла з 80 да 110 злотых. На сваім сайце кампанія паведаміла, што ў новых умовах адкрывае чатыры пробныя рэйсы з Гродна ў Беласток праз Літву. Адпраўляцца з Гродзенскага аўтавазкала маршруткі будуць у 4:00, 8:00, 14:00, 18:00. З аўтаваказала Беластока — у 8:30,12:00, 14:40, 18:00.
Польскі перавозчык Gaja Express, які возіць пасажыраў па маршруце Гродна-Беласток-Варшава і працуе ў партнёрстве з беларускай фірмай «Трансагенцтва Фаварыт», павысіў цану білетаў з 65 да 90 злотых з Беластока ў Гродна і з 90 да 120 злотых з Варшавы ў Гродна.
Чытайце таксама: «Баброўнікі» закрываюцца: у чым прычына, як цяпер патрапіць у Польшчу і што будуць рабіць перавозчыкі?
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…