Рэканструкцыю будынка на Васілька, 10 могуць пачаць ужо гэтым летам. Грамадскія абмеркаванні справаздачы аб ацэнцы ўздзеяння на навакольнае асяроддзе (АУНА) адбудуцца з 22 лютага па 24 красавіка 2023 года. Інфармацыю аб гэтым апублікавалі на сайце Гродзенскага гарвыканкама.
У будынку, які пустуе з 2018 года, хочуць размясціць аб’екты грамадскага прызначэння з апартаментамі і памяшканнямі бытавога абслугоўвання. Ля будынка плануюць арганізаваць паркоўку і азеляніць тэрыторыю.
Пры рэканструкцыі неабходна будзе захаваць існуючую расліннасць. За выдаленне насаджэнняў трэба будзе выплаціць кампенсацыю. На ўчастку трэба будзе аднавіць пашкоджаныя экасістэмы ў найкарацейшыя тэрміны пасля канца будаўніцтва. Будаўнічай тэхніцы дазволена будзе працаваць з 9.00 да 18.00, каб паменшыць шум у ваколіцы.
Справаздача аб ацэнцы ўплыву на асяроддзе павінна з’явіцца да 22 лютага. Пасля да 24 красавіка яе будуць дапрацоўваць, магчыма, правядуць сход па яе абмеркаванні. Далей дакументы маюць прайсці дзяржаўную экалагічную экспертызу. Рашэнне па праекце мае быць прынята да 12 чэрвеня.
Такія ж грамадскія абмеркаванні АУНА анансаваліся летам 2022 года, але па нейкай прычыне зараз іх вырашылі паўтарыць.
У ліпені 2020 года кампанія «БелБурБуд» выкупіла комплекс будынкаў на аўкцыёне за 900 тыс. рублёў. У комплекс уваходзяць два былыя лячэбныя корпусы 1890 і 1891 года пабудовы і будынак паліклінікі, які складаецца з дзвюх частак 1891 і 1983 гадоў. У складзе харчаблок з прыбудовай і склепам 1890 года пабудовы.
У 2017 годзе гэты інвестар выкупіў вежу ў Румлёўскім парку. Там ён планаваў зрабіць рэканструкцыю і адкрыць назіральную пляцоўку. Але па выніках справаздачы аб ацэнцы ўздзеяння на навакольнае асяродзе праект адхілілі.
Домам № 10 у 1920-х — 1930-х гадах валодаў гродзенскі доктар Рыгор Варашыльскі. Вядомы калекцыянер паштовак і фотаздымкаў з відамі Гродна Фелікс Варашыльскі - яго ўнук. У розны час тут знаходзіўся радзільны дом, дзіцячая бальніца, розныя аддзяленні абласной бальніцы, скурна-венералагічны дыспансер. У студзені 2018 года дыспансер пераехаў у будынак былой чыгуначнай бальніцы па вуліцы Будзёнага. З таго часу будынак на Васілька пустуе.
«Я думаю, было б добра, калі б дом быў адноўлены ў пачатковым выглядзе: вярнуць балконы, ганак і сад ззаду дома. Як на старых сямейных фотаздымках», — сказаў Hrodna.life унук лекара і ўладальніка дома Фелікс Варашыльскі ў 2018 годзе.
Чытайце таксама: Ад пансіяната адмовіліся: былы скурвендыспансер на Васілька выставілі на аўкцыён
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…