Новости

У Гродна прывезлі новыя тралейбусы. Маршруты ў мікрараёны могуць падоўжыць

На гэтым тыдні новыя тралейбусы пусцяць на маршруты замест транспарту, які вычарпаў свой рэсурс. Пакуль гэта будзе чатыры машыны, цягам месяца — яшчэ сем.

Тры тралейбусы ўжо прывезлі ў дэпо пасля планавага абслугоўвання і праверкі ўсіх сістэм, расказалі на «Гродно Плюс». Яшчэ адзін неўзабаве прывязуць.

Таксама яшчэ сем новых тралейбусаў чакаюць пастаўкі ў найбліжэйшы месяц. Гэта будуць машыны з назапашвальнікамі і аўтаномным ходам. Зараз іх камплектуюць на заводзе. За кошт іх у Гродне змогуць падоўжыць існуючыя маршруты, у тым ліку ў новыя мікрараёны.

Тралейбусы будуць больш камфортнымі для кіроўцаў і пасажыраў. Працоўнае месца кіроўцы зараз аформлена па-іншаму, у кабіне ёсць кандыцыянер, распавёў Генадзь Цвячкоўскі, галоўны інжынер Гродзенскага тралейбуснага ўпраўлення.

Салон прыстасаваны для людзей з інваліднасцю: ёсць пандус і інфарматар для слабавідушчых пасажыраў.

Сродкі на новы транспарт атрыманы з рэспубліканскага бюджэту.

Перад гэтым Гродзенскі аўтапарк папаўнялі ў ліпені 2022 года. У горад пусцілі восем новых тралейбусаў мадэлі OLGERD 321. Па заводзе яна можа быць абсталявана сістэмай аўтаномнага ходу на 20 км, але гэтыя восем тралейбусаў яе не маюць. Іх змяшчальнасць — 99 чалавек, месцаў для сядзення — 26, суткавы прабег — 300 км. Даўжыня такога тралейбуса — 12,5 м, максімальная вага — 18 т. тралейбусы абсталяваныя USB-раздымам, сістэмай нахілу кузава і пандусам для людзей з абмежаванымі магчымасцямі.

Чытайце таксама: В Гродно Троллейбусное управление присоединят к Автобусному парку. Чем это поможет и как в других городах?

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025