Источник: kufar.by
У мікрараёне Зарыца-5 на вул. Жырмунская збудуюць новы квартал дамоў-кватэр. Ён з’явіцца паміж Зарыцай і гаражным масівам у Грандзічах, заўважыў канал Urban Hrodna.
Квартал утвораць сем аднапавярховых тыпавых дамоў. Гэта будуць не таўн-хаўсы, а дамы з разліку адзін дом — адна кватэра.
Плошча аднаго надзела складзе 6−7 сотак. Плошча кожнага дома будзе 98 кв. м. Да кожнага дома дапасуецца тэраса ў 30 кв. м.
Сістэму ацяплення і гарачага водаснабжэння могуць збудаваць аднаго з двух тыпаў на выбар пакупніка — на базе цеплавой помпы паветра-вада, або традыцыйную на газе. Каналізацыя будзе ўладкаваная як сучасны сэптык [аўтаномная сістэма, простае ачышчальнае збудаванне, у якое праходзяць каналізацыйныя сцёкі і пакрокава ачышчаюцца — Hrodna.life].
Дамы будуць з панарамнымі вокнамі ў падлогу. Іх збудуюць у адзіным стылі, але кожны дызайн сплануюць індывідуальна.
Будоўлю плануюць пачаць у сакавіку 2023 года і завяршыць цягам паўгода.
Кошт 1 кв. м. — $ 950 па курсе (зараз гэта 2600 руб.). Таким чынам дом абыдзецца ў $ 121,6 тыс.
«Большасць жыхароў Беларусі, якія хочуць жыць у прыватным доме, за сваё жыццё пабудуюць толькі адзін дом», — цытуе канал забудоўшчыка, які такім чынам пераконвае зрабіць выбар на карысць новага квартала.
Чытайце таксама:
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…
