З 9.00 10 студзеня часова перакрыюць рух транспарту па шляхаправодзе на вуліцы Паповіча перад развязкай з вуліцамі Вольгі Соламавай і Краснапартызанскай, каля запраўкі «Беларусьнафта». Прыпынак грамадскага транспарту перад Новым мостам прыбяруць.
Шляхаправод на Паповіча будуць рамантаваць. Рамонт будзе доўжыцца да 10 красавіка, удакладняе «Гродненская правда».
У сувязі з рамонтам і перакрыццем руху грамадскі транспарт будзе спыняцца далей ад Новага моста. Маршруты зменяцца:
- Аўтобус № 7 «Вішнявец — Каледж эканомікі і кіравання» будзе курсіраваць у прамым кірунку без зменаў. У адваротным кірунку: прыпынак «Каледж эканомікі і кіравання» — прыпынак «Вучылішча алімпійскага рэзерву» — вуліца Паповіча, далей па сваім маршруце без зменаў.
- Тралейбус № 12 «Хімвалакно — Фолюш» будзе курсіраваць: прыпынак «Хімвалакно» — прыпынак «Каледж эканомікі і кіравання» (без змен), далей прыпынак «Вучылішча алімпійскага рэзерву» — вуліца Паповіча — плошча Дзекабрыстаў - вуліца Лізы Чайкінай — Фолюш. У адваротным кірунку: прыпынак «Фолюш» — прыпынак «Каледж эканомікі і кіравання» (без зменаў), далей прыпынак «Вучылішча алімпійскага рэзерву» — вуліца Паповіча — вуліца Савецкіх пагранічнікаў і далей па сваім маршруце без зменаў.
- Тралейбус № 16 «Жылы комплекс „Калбасіна“ — Каледж эканомікі і кіравання» будзе курсіраваць у прамым кірунку без зменаў. У адваротным кірунку: прыпынак «Каледж эканомікі і кіравання» — прыпынак «Вучэльня алімпійскага рэзерву» — вуліца Паповіча — вуліца Савецкіх памежнікаў - вуліца Гарнавых — вуліца Суворава — прыпынак «Жылы комплекс „Калбасіна“».
Раней пры планаванні рамонту гэтага шляхаправода збіраліся зачыняць толькі адну з палос руху і распрацаваць новую схему руху для транспарту. За праектныя працы і праектна-каштарысную дакументацыю з гарадскога бюджэту заплацілі 93 тыс. руб.
Навошта рамантаваць яшчэ адзін мост
Пры абследаванні шляхаправода знайшлі парушэнне герметычнасці гідраізаляцыі па ўсёй яго плошчы і разбурэнне дэфармацыйных швоў, дэструкцыю бетону ў бэльках і ходніку. Вышыня і канструкцыя агароджы праезнай часткі на мосце не адпавядае нарматывам, а на падыходах агароджаў няма зусім. Парэнчы праржавелі, на праезнай частцы ёсць расколіны, ямы і колейнасць.
Падчас рамонту на мосце абкладуць ахоўны пласт з асфальтабетону. Адрамантуюць палосы моста і апоры, пераўбудуюць маставое палатно і адрамантуюць асфальт на падыходах, тратуары і лесвіцы гідраізаляцыі.
Афарбоўку фасадаў і апор узгадняюць з Камітэтам архітэктуры Гродзенскага гарвыканкама. Аблічча фасадаў шляхаправода і парэнчаў хочуць дастасаваць да фасада Новага моста.
Чытайце таксама:
