Юрый Навіцкі. Скрыншот Hrodna.life
Лекара-рэнтгенолага Гродзенскай універсітэцкай клінікі Юрыя Навіцкага судзяць па двух артыкулах Крымінальнага кодэкса: ч. 1 арт. 167 «Гвалтоўныя дзеянні сэксуальнага характару» і ч. 2 арт. 168 «Палавыя зносіны і іншыя дзеянні сэксуальнага характару з асобай, якая не дасягнула шаснаццацігадовага ўзросту».
Пасяджэнні пачаліся 19 снежня ў судзе Кастрычніцкага раёна Гродна. Суддзя — Руслан Гурын, вядомы прысудамі па «палітычных» справах. Ён судзіў Сяргея Рымшу, рэдактара newgrodno.by Ігара Рэмзіка, актывістку і намесніка старшыні Саюза палякаў Рэнату Дзем’янчук, рэдактарку спецпраектаў Hrodna.life Ірыну Новік. Суд будзе закрытым.
Па арт. 167 КК Юрыю пагражае да сямі гадоў пазбаўлення волі, па арт. 168 КК — да дзесяці.
Два гады таму Юрый стаў урачом-рэнтгенолагам першай катэгорыі ў Гродзенскай універсітэцкай клініцы. Да гэтага ён быў загадчыкам кабінета магнітна-рэзананснай тамаграфіі (МРТ). Па версіі суразмоўцы Hrodna.life, панізілі яго за карупцыю — мужчына нібыта падманваў хворых і браў з іх грошы, пакуль яго «крышавалі». Цяпер Навіцкага няма ў спісе лекараў ГУК.
Па словах крыніцы Hrodna.life, да гэтага Навіцкі ўжо адбыў пакаранне па карупцыйным артыкуле. Ён падпрацоўваў у аўтобусным парку, і за хабар выпусціў п’янага кіроўцу на рэйс. Той яго «здаў».
Былы калега характарызуе Навіцкага як не вельмі добрага спецыяліста, але душу кампаніі. Па словах крыніцы рэдакцыі, ён асабіста назіраў, як Навіцкі спакушаў пацыентаў мужчынскага полу ў бальніцы.
Юрый быў героем перадачы «Гродна Плюс» аб сімптомах, метадах прафілактыкі і лячэння артрыту. Пісаў навуковыя працы. Напрыклад «Выявы, узважаныя па магнітнай успрымальнасці тканін у ацэнкі аксігенацыі мозгу пры ішэмічным інсульце» і «Камп'ютэрна-тамаграфічная анатомія суставаў ніжняй канечнасці пладоў і нованароджаных дзяцей».
Супрацоўнікі Следчага камітэта прыходзілі на месца працы Навіцкага і праводзілі «пяціхвілінкі», на якіх распавядалі пра гэтае злачынства.
Чытайце таксама: У Гродзенскай вобласці вырасла колькасць злачынстваў супраць палавой недатыкальнасці дзяцей. Змагацца збіраюцца праз «маральнасць»
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…