Навіны

У Гродне прадаецца катэдж ля Нёмана. У ім жыў «польскі шпіён»

Двухпавярховы катэдж на беразе Нёмана па вул. Чырвонафлоцкая, 1 прадаюць у Гродне. У доме два паверхі, пяць пакояў, дызайнерскі рамонт, камін і від на раку. Менавіта ў гэтым катэджы КДБ затрымаў грамадзяніна Польшчы, якога абвінавацілі ў шпіянажы і змясцілі ў СІЗА.

Дом з камінам і дызайнерскім рамонтам

У двухпавярховым доме пяць пакояў. На кожным паверсе ёсць санвузел. Вышыня столі - тры метры. Агульная плошча — 188,8 м², жылая — 126 м². Будынак пабудавалі ў 2011 годзе. У доме дызайнерскі рамонт. Балкон — з вокнамі ў падлогу, паведамляе «Магазин недвижимости».

Дом гатовы да пражывання і прадаецца з мэбляй і бытавой тэхнікай. Ацяпляецца катэдж газавым катлом. У хаце ёсць камін. Плошча зямельнага ўчастка — 10 сотак. Участак асветлены і выбрукаваны тратуарнай пліткай.

Дом знаходзіцца ў прыватнай уласнасці. Кошт — 430 000 $ або 1 114 603 рублёў. Можна патаргавацца.

У доме жыў «шпіён»

Дом па вул.Чырвонафлоцкая, 1 можна пазнаць на кадрах сюжэту ОНТ аб затрыманні грамадзяніна Польшчы, які пражывае ў Гродне. Яго затрымалі па падазрэнні ў шпіянажы 25 сакавіка 2022 года.

Кадр з сюжэту АНТ. Скрыншот Hrodna.life

Тады КДБ таксама абвінаваціў генеральнага консула Польшчы ў Гродне Анджэя Рачкоўскага і консула польскага генконсульства Марціна Хрустэля ў парушэнні беларускага заканадаўства і ў спробах «перашкодзіць правядзенню працэсуальных дзеянняў». Аб дзеяннях польскіх дыпламатаў праінфармавалі МЗС Беларусі.

Паводле інфармацыі Hrodna.life, затрыманы знаходзіцца ў СІЗА турмы № 1 Гродна на вул. Кірава, 1. Ніякіх следчых дзеянняў не вядзецца. У катэджы жыве яго жонка — яна і прадае дом.

Чытач Hrodna.life спытаў у рыэлтара аб прычынах продажу дома. Ён паведаміў, што ў жыхароў «памяняліся жыццёвыя планы».

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025