Навіны

Падманвалі праз «Куфар» і «Службу дастаўкі». Як кіберзлачынцы скралі амаль $ 20 000

За 11 месяцаў 2022 года толькі ў судзе Ленінскага раёна Гродна за кіберзлачынствы судзілі 24 чалавекі. Іх абвінавацілі паводле арт. 212 КК (Крадзеж маёмасці праз мадыфікацыю камп’ютарнай інфармацыі). Інтэрнэт-ашуканцаў пакаралі штрафамі і арыштамі, а некаторых пазбаўленнем волі, паведаміла «Гродзенская праўда».

Суд у Гродне. Ілюстрацыйнае фота Hrodna.life

Колькі ўсяго грошай скралі злачынцы

Удзельнікі злачыннай суполкі WinkyTeam скралі з банкаўскіх картак грамадзянаў больш за 50 тыс. рублёў. (каля $ 20 тыс.). Суд над ашуканцамі адбыўся ў кастрычніку 2022 года. Двух чалавек пазбавілі волі на тэрмін 14 гадоў і прысудзілі штраф у 650 базавых велічынь (20,8 тыс. рублёў).

Як падманваюць кіберзлачынцы?

Часцей за ўсё злачынцы крадуць грошы з картак грамадзянаў. Яны завалодваюць рэквізітамі карткі і праводзяць транзакцыі праз фішынг альбо вішынг.

Фішынг — від інтэрнэт-ашуканства. Яго мэта — атрыманне доступу да канфідэнцыяльных дадзеных карыстальніка. Напраклад, логіна, пароля.

Вішынг — від тэлефоннага ашуканства. Падчас яго злачынцы выведваюць банкаўскія дадзеныя або прыватную інфармацыю, якую потым могуць скарыстаць для доступу да банкаўскіх рахункаў

Пацярпелых — больш за 300

Ад удзельнікаў злачыннай супольнасці WinkyTeam пацярпелі больш за 300 чалавек. Лічбавыя ашуканцы выкарыстоўвалі некалькі схемаў падману.

Напрыклад, злачынцы праз званкі ў Viber пад выглядам супрацоўнікаў «Беларусбанка» ўводзілі людзей у зман. Яны тэлефанавалі і казалі, што неабходна паведаміць рэквізіты банкаўскіх картак, нібыта каб перадухіліць несанкцыянаванае спісанне грошай з рахункаў. Пацярпелыя паведамлялі неабходныя рэквізіты, а злачынцы скрадалі грошы з картак.

Прысылалі пашпарты выдуманных асобаў

Яшчэ адзін прыклад злачыннай схемы — падман на сэрвісах бясплатных аб’яваў «Куфар», onliner.by і domovita.by. Там ашуканцы стваралі фэйкавыя аб’явы пра здачу кватэр у арэнду.

Калі злачынцы ўступалі ў перапіску з ахвярай, якая звярнулася па аб’яве, яны пераконвалі яе перавесці залог за кватэру. У пацверджанне сваёй асобы злачынцы прысылалі фотаздымкі старонак пашпарта і пасведчання аб дзяржаўнай рэгістрацыі кватэры на імя выдуманых асобаў.

Калі пацярпеламу прапаноўвалі вернуць залог, то для атрымання грошай яму трэба было перайсці па фэйкавай спасылцы. Яна імітавала афіцыйны сайт бясплатных аб’яваў. Там трэба было ўвесці рэквізіты банкаўскай карткі і аўтарызацыйныя коды. Такім чынам пацярпелыя гублялі грошы, якія былі ў іх на рахунку.

«Служба дастаўкі»

На сайце «Куфар» злачынцы знаходзілі прадаўца нейкага тавару. Звязваліся з ім праз мэсэнджары Viber, Telegram або WatsApp. Падчас перапіскі яны казалі, што плануюць набыць тавар і прапаноўвалі скарыстацца паслугай службы дастаўкі.

Перайшоўшы па спасылцы на сайт, які імітаваў службу дастаўкі, пацярпелыя ўводзілі інфармацыю пра банкаўскія карткі, а таксама сакрэтны код (cvv, cvc, cv-2). Грошы з іх рахункаў спісваліся ў момант.

Чытайце таксама: У Гродне судзяць тэлефонных махляроў: яны зарабілі 40 000 рублёў на ашуканстве

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025