Дзяржкантроль затрымаў уладальнікаў буйной сеткі дастаўкі сушы. Яна ёсць і ў Гродзенскай вобласці

Дэпартамент фінансавых расследаванняў Камітэта дзяржкантролю распачаў крымінальную справу супраць уладальнікаў і некаторых супрацоўнікаў буйной сеткі рэстаранаў і кафэ. Іх абвінавачваюць ва ўхіленні ад выплаты падаткаў. У Гродзенскай вобласці ўстановы сеткі працуюць у Шчучыне, Мастах, Ваўкавыску і Ашмянах.

«Службовыя асобы і ўласнікі сеткі рэстаранаў наўмысна раздрабілі свой бізнэс, зарэгістраваўшы не менш за 12 падкантрольных арганізацый і індывідуальных прадпрымальнікаў з аналагічным відам дзейнасці (у сферы грамадскага харчавання і дастаўкі гарачай ежы), якія прымяняюць спрошчаную сістэму падаткаабкладання. Гэта дазволіла штучна размяркоўваць паміж імі выручку, ствараючы бачнасць законнасці прымянення спецыяльнага рэжыму падаткаабкладання», — паведамілі ў КДК. Супрацоўнікі ведамства разам з АМАПам кіравалі ператрусы ў офісах, на складах і ў гандлевых крапках.

Злачыннай групай палічылі восем чалавек. Семярых затрымалі, двое з іх заключаныя пад варту. Па словах супрацоўніка КДК, яны даюць прызнальныя паказанні і супрацоўнічаюць са следствам. Маёмасць падазраваных арыштавалі, ужо дапытана больш за 100 супрацоўнікаў. Рэстараны сеткі працягваюць працаваць.

У чым вінавацяць сетку кафэ

Паводле інфармацыі КДК, на гандлёвых аб’ектах хавалі ад падаткаў больш за палову наяўнай выручкі. Яе размяркоўвалі паміж фігурантамі крымінальнай справы. Паводле чарнавой бухгалтэрыі сетка грамадскага харчавання схавала больш за 13 млн руб., памер нявыплачаных падаткаў склаў больш за 4 млн руб.

Больш за 214 работнікаў сеткі - кухары, кур’еры, адміністратары — атрымлівалі заробак «у канвертах», без выплаты падаходнага падатку і адлічэнняў у ФСАН. Заробкі былі ад 600 да 1500 руб. на месяц.

У сеціве — больш за 40 устаноў па ўсёй краіне

У паведамленнях КДК сама сетка не называецца. Па інтэр'еры з фота ад КДК і сайта сеткі даведаліся адну з кавярняў «СушыДом», пішуць «Народныя навіны Віцебска». 30 лістапада на старонках сацсетак кафэ з’явілася паведамленне аб прыпыненні працы па тэхнічных прычынах.

Сетцы належыць больш за 40 кафэ ў розных гарадах пяці абласцей Беларусі. Сярод абласных цэнтраў сетка прадстаўлена толькі ў Віцебску — там знаходзіўся цэнтральны офіс. У меню — сушы, закускі і дэсерты.

Сетка «СушыДом» была зарэгістраваная ў 2020 годзе. Яе заснавала расіянка Крысціна Луцай і яе муж з Віцебска Алег. Пара спрабавала стварыць бізнэс у сферы грамадскага харчавання ў Расіі, потым пераехала ў Беларусь. Тут яны пачалі бізнес з нуля восем гадоў таму. Таксама ім належыць лапшычная «ЦайЛу».

Чытайце таксама:

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025