Генеральное консульство Литвы в Гродно. Фото: Яндекс.Карты
Спецыяльны апытальнік цяпер будуць запаўняць грамадзяне Беларусі і Расіі, якія жадаюць атрымаць нацыянальную візу або від на жыхарства ў Літве, піша Delfi са спасылкай на Дэпартамент міграцыі. За 11 месяцаў 2022 года беларусы атрымалі 22 890 дазволаў на часовае пражыванне і відаў на жыхарства ў Літве.
У апытальніку трэба будзе расказаць аб сваёй адукацыі, месцах працы, службе ў войску, бізнес-сувязях, кантактах з дзяржаўнымі ведамствамі краін, якія не ўваходзяць у НАТА і Еўрасаюз, і расказаць аб сваёй пазіцыі па пытанні вайны ва Украіне. Пры складанні пытанняў улічылі і рэкамендацыі Дэпартамента дзяржбяспекі.
Апытальнік павінны запаўняць усе грамадзяне Расіі і Беларусі з 18 гадоў, калі будуць звяртацца па новыя дакументы, прасіць працягнуць від на жыхарства ў Літве ці выдаць нацыянальную візу.
Падобны апытальнік Дэпартамент міграцыі можа даваць і грамадзянам іншых краін.
Адказы на пытанні будуць мець вырашальнае значэнне пры вынясенні рашэння аб выдачы нацыянальнай візы або працягу віду на жыхарства. Калі просьбіт адмовіцца на іх адказваць або адкажа не на ўсе пытанні, яго заяўку не прымуць. Калі ж ён прадаставіць ілжывыя звесткі або схавае нейкую значную інфармацыю, гэта стане падставай для скасавання віду на жыхарства або адмове ў выдачы візы.
Гэта будзе дадатковы фільтр бяспекі, каб больш аператыўна выявіць замежнікаў, якія ў мінулым былі звязаныя з недэмакратычнымі рэжымамі і могуць уяўляць пагрозу нацыянальнай бяспецы Літвы, лічыць кіраўнік Дэпартамента міграцыі краіны Эвеліна Гудзінскайтэ.
З пачатку 2022 года беларусы ў Літве ўжо атрымалі 22 890 дазволаў на часовае пражыванне і відаў на жыхарства, піша «Зеркало» са спасылкай на bns.lt і Дэпартамент міграцыі Літвы. Яшчэ 5127 беларусам працягнулі раней выдадзеныя віды на жыхарства. У 2021 годзе беларусы атрымалі ў Літве 15 318 відаў на жыхарства і працягнулі 5232.
Са студзеня па лістапад 2022 года беларусам выдалі 19 641 нацыянальных візаў Літвы, а за мінулы год — 21 360 нацыянальная віза.
Нацыянальную візу выдаюць у сувязі з вочным навучаннем у літоўскай ВНУ, атрыманнем дазволу на працу, да іх адносяцца і гуманітарныя візы. Аднаразовыя нацыянальныя візы выдаюць тым, каму дазволена часовае або пастаяннае пражыванне ў Літоўскай Рэспубліцы. Яны не працягваюцца, знаходжанне ў краіне магчыма пры наяўнасці віду на жыхарства, хадайніцтва аб выдачы якога могуць разглядаць да шасці месяцаў.
З ліпеня 2022 года беларусам і расіянам у сувязі з агрэсіяй Расіі супраць Украіны перасталі выдаваць нацыянальныя візы, акрамя як для членаў сям'і грамадзян Літвы і Еўрапейскага Саюза, асоб літоўскага паходжання і асоб, якія захавалі права на аднаўленне грамадзянства Літвы і членаў іх сем’яў. У верасні Літва перастала прымаць у расіян дакументы на турыстычныя візы. Беларусам турыстычныя візы перасталі афармляць яшчэ з 2020 года. Выдачу гуманітарных візаў беларусам і расіянам усё ж захавалі.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…