Будынак прафілакторыя "Хімвалакно". Фота: Urban Hrodna
Прадпрыемства ў размясціла ў сваім Telegram-канале апытанку з варыянтамі будучыні тэрыторыі на месцы былога прафілакторыя «Хімвалакна», заўважыў канал Urban Hrodna.
Зараз УП «Азотсервіс» займаецца дэмантажам старога корпуса свайго аздараўленчага цэнтра побач з басейнам «Хімвалакно» на вуліцы Томіна, 26. Прадпрыемства прапанавала выказацца «работнікам „Гродна Азот“, гродзенцам, падпісантам і гасцям канала». У апытанцы прапанавалі магчымыя варыянты выкарыстання тэрыторыі:
«Цікавыя нестандартныя рашэнні», якія не ўпісваюцца ў прапанаваныя варыянты, прадпрыемства заклікае дасылаць на e-mail: grodnenskiikhimik@mail.ru.
На момант публікацыі ў апытанні перамагаў спартовы комплекс з трэнажорнай залай (33% апытаных), наступным ішоў СПА-гатэль (19%). Менш за ўсё апытаныя хочуць бачыць там паркоўку для аўто (4%).
Пра знос спальнага корпуса прафілакторыя «Хімвалакна» на Томіна стала вядома ў верасні. Раней аздараўляльны цэнтр планавалі прадаць з паніжэннем кошту на 80% - пакупнікоў гэта не зацікавіла. Будынак знаходзіўся на кансервацыі.
Будынак лічыцца ва ўласнасці «Азота» з 1988 г. У 2014 яго паспрабавалі рэканструяваць, але грошай хапіла толькі на чвэрць запланаванай працы. З 2017 прафілакторый намагаліся прадаваць, спачатку за 2,72 млн руб. Пакупнік не знаходзіўся, кошт падаў. У 2019 за яго прасілі ўжо 630 тыс. рублёў, але гэта нічога не змяніла. З канца 2020 да лета 2021 будынак выстаўлялі на продаж 5 разоў. Апошні аўкцыён па аб’екце быў у снежні 2021 года. Яго прызналі несапраўдным.
Пад знос трапляе толькі спальны корпус, на якім размешчана мазаіка. Басейн мадэрнізаваць змаглі і яго захаваюць. Там ёсць вялікая ванна басейна (25 м) на тры дарожкі і малая, дзе праводзяцца навучальныя заняткі. З дадатковых паслуг — саўна, фітасаўна, салярый, розныя віды масажу, электрагразевыя і працэдуры, фізіятэрапеўтычныя паслугі і касметалогія. Комплекс размешчаны на мяжы Томінскага лесу.
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…