Расійскі бізнесмен выкупіў палац ў Дзятлаве. Ён заплаціў за яго, як за некалькі пачак кавы

Былы палац Радзівілаў у Дзятлаве 29 лістапада прадалі з аўкцыёна за 100 рублёў. Новы ўладальнік — бізнесовец з Расіі, які неаднаразова наведваў Беларусь, але на аўкцыён не прыехаў, паведаміў «Вечерний Гродно». Раней палац не маглі прадаць каля шасці гадоў, бо не было ахвотных яго набываць.

Былы палац Радзівілаў у Дзятлаве. Фота: Hrodna.life

Што новы ўладальнік плануе арганізаваць у будынку, дакладна невядома. Магчыма, там адкрыюць рэабілітацыйны цэнтр альбо іншую ўстанову для дапамогі людзям, бо раней там размяшчаўся шпіталь, сказала прадстаўніца расійскага бізнесмена Святлана. Новы ўласнік, з яе словаў, дакладна не хоча рабіць з палаца камерцыйны аб’ект.

Паводле словаў жанчыны, нягледзячы на тое, што палац не выкарыстоўваўся апошнія шэсць гадоў, ён захаваўся ў добрым стане.

На аўкцыён зарэгістраваўся адзін удзельнік

Будынак прадалі 29 лістапада 2022 года. На аўкцыён зарэгістраваўся толькі адзін удзельнік. У такім выпадку таргі не адбываюцца, а ўдзельнік даплочвае 5% да пачатковай цаны. У выніку будынак прадалі за 100 рублёў.

Новы уладальнік атрымаў права арэнды будынкам на 50 гадоў. Плошча палаца — 1527 кв.м. Агульная плошча ўчастка — 41 сотка. У бізнесоўца ёсць не больш за два гады, каб распрацаваць праектную дакументацыю на правядзенне рэкнструкцыі альбо капітальнага рамонту. Будаўнічыя працы трэба правесці цягам пяці гадоў.

Калі пабудавалі палац

Будаваць палац пачаў бацька дзяржаўнага дзеяча ВКЛ Ульрыка Крыштафа Радзівіла. Будаўніцтва пачалося на месцы спаленага шведскімі войскамі драўлянага замка ў 1751 годзе. Раней палац быў упрыгожаны двума бакавымі трох’яруснымі вежамі.

У канцы XVIII стагоддзя палацава-паркавы комплекс Радзівілаў перайшоў во ўладанне Солтанаў. Адам Солтан быў ўдзельнікам паўстання ў 1831 года і за яго ўдзел у паўстанні палацава-паркавы ансамбль канфіскавалі.

Пасля ў будынку размяшчаліся казармы, затым школа, а ў 1930 годзе былы палац ператварылі ў прытулак для дзяўчынак. З 1938 па 2010 год у будынку размяшчалася гарадская стаматалогія. Палацавы корпус і цяпер практычна захоўвае першапачатковы выгляд.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025