Навіны

Медык з Гродна: замежных пацыентаў стала больш, чым да каранавіруса. Папулярная паслуга — інтымная пластыка

Падчас пандэміі колькасць замежных пацыентаў у Гродне знізілася, але з вяртаннем бязвізавага ўезду — павялічылася. Самыя папулярныя працэдуры — блефарапластыка, карэкцыя грудзей і інтымная пластыка. Пра гэта «Гродзенскай праўдзе» распавёў Сяргей Трусь, спецыяліст у галіне пластычнай і рэканструктыўнай мікрахірургіі, хірург вышэйшай кваліфікацыйнай катэгорыі, супрацоўнік Гродзенскай бальніцы хуткай медыцынскай дапамогі.

Праз каранавірус былі праблемы з перасячэннем мяжы, і колькасць замежных пацыентаў зменшылася. Цяпер, асабліва з магчымасцю бязвізавага ўезду для жыхароў суседніх краін, зваротаў нават у параўнанні з дакавідным часам стала больш. Ёсць нават чарга на аперацыю.

Пластычныя аперацыі па эстэтычных паказаннях у БХМД выконваюцца апошнія шэсць гадоў. Яны дапамагаюць выглядаць молада, хораша, ліквідуюць прыроджаныя і набытыя дэфекты знешнасці. За год робяць каля тысячы аперацый, траціна з іх — «хірургія прыгажосці».

У рамках бязвізавага рэжыму ў 2019 годзе медыцынскія паслугі атрымалі 415 замежнікаў. Самымі папулярнымі былі паслугі стаматолагаў - за імі звярнуліся 288 турыстаў. З адкрыццём новага бязвізу з 15 красавіка замежнікаў сярод кліентаў не было, хоць да пандэміі яны прыязджалі часта, распавялі ў верасні 2022 года Hrodna.life уладальнікі двух прыватных гродзенскіх стаматалогій.

Самыя запатрабаваныя працэдуры

У БХМД выконваюць усе віды эстэтычных пластычных аперацый, акрамя рынапластыкі. Найбольш запатрабаванымі застаюцца:

  • блефарапластыка (карэкцыя узроставых змяненняў века) і падцяжка твару,
  • карэкцыя формы і памеру малочных залоз,
  • пластыка вушных ракавін,
  • хірургічная карэкцыя ўзроставых змяненняў пярэдняй брушной сценкі і канечнасцяў,
  • контурная пластыка цела,
  • інтымная пластыка.

Сярод пацыентаў Сяргея Труся — грамадзяне 15 краін. Спачатку гэта былі часцей былыя суайчыннікі, затым — замежнікі. «Лепшай рэкламай магчымасцяў пластычнай хірургіі, як і іншых дыягнастычных і лячэбных магчымасцяў нашай клінікі, з’яўляюцца задаволеныя пацыенты, „сарафаннае радыё“. У той жа час трэба аддаць належнае інфармацыйнай працы аддзялення платных паслуг», — лічыць Сяргей.

Вялікае значэнне, лічыць ён, маюць нізкія цэны па параўнанні з коштамі такіх паслуг за мяжой.

Платныя паслугі для замежнікаў аказваюць усе дзяржаўныя медустановы, а таксама прыватныя медцэнтры і стаматалогіі. У прыватных клініках кошты для беларусаў і замежнікаў аднолькавыя, у дзяржаўных — адрозніваюцца. Замежнікам — даражэй.

Не ўсе пацыенты дойдуць да аперацыі

Сярэдні ўзрост пацыентаў хірургіі прыгажосці - 40−50 гадоў. Большасць — жанчыны. Не ўсе, хто звяртаецца, могуць прайсці аперацыю. Пасля прызначанага абследавання часам выяўляюцца супрацьпаказанні, звязаныя са станам здароўя пацыента.

«Рызыкі ў эстэтычнай пластычнай аперацыі ёсць, як і ў любога іншага хірургічнага ўмяшання. Асабліва гэта тычыцца аперацыі на твары: да прыкладу, калі закрануць шматлікія нервы, можа быць парушаная міміка, — распавёў Сяргей. — Нават калі лекар ідэальна выканаў сваю працу, могуць быць наступствы, звязаныя з паводзінамі пацыента ў пасляаперацыйным перыядзе і з індывідуальнымі асаблівасцямі яго арганізма».

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025