Галоўны корпус Гродзенскага дзяржаўнага ўніверсітэта імя Янкі Купалы. Фота: Hrodna.life
Выпускнікоў вышэйшых навучальных устаноў (ВНУ), якія навучаліся на платнай аснове, плануюць размяркоўваць. Раней размеркаванне тычылася толькі студэнтаў бюджэтнай формы адукацыі. Пра гэта паведаміла старшыня Савета Рэспублікі Наталля Качанава.
«Міністэрству адукацыі, ВНУ пастаўлена задача — размяркоўваць не толькі тых, хто навучаўся на бюджэтнай аснове, а размяркоўваць усіх», — сказала Качанава. На думку Качанавай, выпускніку трэба прадаставіць першае працоўнае месца.
Пры размеркаванні выпускнікоў ім плануюць прадастаўляць інтэрнат альбо арэнднае жыллё. «Малады спецыяліст прыязжаючы на працу, павінен разумець, дзе ён будзе жыць», — сказала Качанава.
Адмовіцца ад размеркавання можна праз паважлівую прычыну. Напрыклад, выпускнік паступае на наступны ўзровень адукацыі (у магістратуру, а для выпускніка каледжа — ў ВНУ на першую ступень вышэйшай адукацыі). Альбо выпускнік ідзе служыць у войска, мае праблемы са здароўем ці непрацаздольны. Паводле Міністэрства адукацыі, такіх людзей каля 7%
Яшчэ адзін варыянт для бюджэтнікаў - выплаціць дзяржаве выдаткі за адукацыю. Яшчэ на этапе размеркавання студэнт можа звярнуцца па разлік сумы, якую дзяржава выдаткавала на яго адукацыю. Пасля аплаты выпускнік можа атрымаць спраўку аб свабодным працаўладкаванні.
Беларусь — адзіная краіна ў Еўропе, дзе дасюль існуе абавязковае размеркаванне пасля сканчэння ВНУ. У Польшчы і Літве адпрацовак няма. Ва Украіне ад такой практыкі адмовіліся ў 2017 годзе. Там выпускнікі могуць свабодна абіраць працу (за выключэннем вайскоўцаў), а ВНУ не абавязаны працаўладкоўваць сваіх выпускнікоў.
У Расіі таксама няма размеркавання пасля ВНУ альбо тэхнікума. Але ў 2020 годзе прэзідэнт Расіі Уладзімір Пуцін падтрымаў вяртанне практыкі размеркавання. «Калі чалавек вучыўся за дзяржаўныя грошы, ён павінен адпрацаваць альбо вярнуць грошы», — сказаў Пуцін.
Чытайце таксама: Новыя правілы адтэрміноўкі ад войска ў Беларусі: студэнты замежных ВНУ больш яе не атрымаюць
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…