Навіны

У Беларусі ліквідуюць непрызнаны ўладамі Саюз палякаў. Ён працаваў з 2005 года (абноўлена)

Непрызнаны ўладамі Саюз палякаў на Беларусі ліквідуюць. Пракуратура Гродзенскай вобласці накіравала ў эканамічны суд заяву аб ліквідацыі ТАА «Клерыгата». Праз гэтую фірму арганізацыя працавала.

Абноўлена 20 снежня. Пачаўся працэс па ліквідацыі арганізацыі «Клерыгата», праз якую працаваў «Саюз палякаў». Пасяджэнне «аб ліквідацыі юрыдычных асоб» праходзіць у эканамічным судзе Гродзенскай вобласці. Адказчыкамі па справе выступаюць Марк Занеўскі, Рэната Дзем’янчук, Ірэна Валюсь. Ісцец — Гродзенскі гарвыканкам і пракурор вобласці Аляксандр Жукаў. Суддзя — Марына Рослік, заўважыў Telegram-канал «Право имеют».

Члены Саюза палякаў разам з консулам Польшчы Яраславам Ксёнжакам каля офіса Саюза палякаў.

Прычына ліквідацыі - вынік праверкі пракуратуры Гродзенскай вобласці і Упраўлення Дэпартамента фінансавых раследаванняў па Гродзенскай вобласці.

«У парушэнне заканадаўства суб’ект гаспадарання акрамя прадугледжанай статутам дзейнасці рэалізоўваў мэты і задачы грамадскага аб’яднання, якое не было зарэгістравана ў Рэспубліцы Беларусь ва ўстаноўленым законам парадку», — напісала Генеральная пракуратура Беларусі.

На службовых асоб непрызнанага саюза палякаў завялі крымінальную справу. Іх хочуць прыцягнуць да адказнасці паводле арт. 193−1 Крымінальнага кодэксу Беларусі (Незаконная арганізацыя дзейнасці грамадскага аб’яднання і ўдзел у ёй). Пакаранне прадугледжвае да двух гадоў пазбаўлення волі.

У членаў Саюза палякаў адбываюцца ператрусы

UPD. У кватэрах старшыні Галоўнага савета Саюза палякаў Беларусі Ірэны Валюсь і намесніцы старшыні Рэнаты Дземянчук адбываюцца ператрусы. На тэлефонныя званкі яны не адказваюць. Пра гэта, на сваёй старонцы ў Facebook, паведаміў намеснік старшыні Саюза палякаў Марэк Занеўскі.

Саюзу палякаў 33 гады

Саюз палякаў Беларусі існуе з 1990 года. Саюз ствараў цэнтры вывучэння польскай культуры і польскай мовы, падтрымліваў культурныя, рэлігійныя сувязі з Польшчай.

Першым старшынёй Саюза палякаў быў Тадэвуш Гавін. У 2000 годзе яго месца заняў Тадэвуш Кручкоўскі. У 2005 годзе ў Саюзе палякаў адбыўся раскол. Старшынёй саюза спачатку выбралі Анжаліку Борыс, але гэта выклікала канфлікт. У выніку паўсталі два саюзы: праўладны, які прызнаецца Мінскам і не прызнаецца Варшавай, і неафіцыйны, які не прызнае Мінск, але прызнае Варшава. З таго часу неафіцыйны саюз рэгулярна падвяргаўся рэпрэсіям з боку ўладаў Беларусі.

Ціск на палякаў не спыняецца

За кратамі дасюль знаходзіцца адзін з лідараў Саюза палякаў Анджэй Пачобут. Яго затрымалі па «справе палякаў» у сакавіку 2021 года. Таксама па гэтай справе ў сакавіку 2021 года затрымалі Анжаліку Борыс.

Летам 2022 года ў Гродзенскай вобласці пачалі руйнаваць могілкі жаўнераў Арміі Краёвай. Станам на верасень 2022 года, зруйнавалі не менш за шэсць могілак. У верасні 2022 года ўлады пачалі ліквідацыю грамадскага аб’яднання «Вспульнота полякув» (яна ўтварылася ў выніку чарговага расколу ў неафіцыйным Саюза палякаў). У верасні 2022 года ліквідавалі грамадскую арганізацыю «Польска Мацеж Школьна», якая займалася адукацыяй на польскай мове. Дзве польскія школы ў Беларусі - у Гродне і Ваўкавыску — русіфікавалі.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025