Святлана Сілава. Фота: Facebook гераіні
З Гродзенскага дзяржаўнага ўніверсітэта імя Я.Купалы звольнілі кандыдата гістарычных навук, дацэнта Святлану Сілаву. Нагодай для звальнення палічылі адсутнасць яе на працоўным месцы больш за тры гадзіны, паведаміла выкладчыца ў сваім Facebook.
Святлану Сілаву затрымлівалі 18 кастрычніка 2022 года. Тады яе абвінавацілі ў «захоўванні і распаўсюджванні экстрэмісцкіх матэрыялаў», паведамляла «Хрысціянская Візія». 21 кастрычніка выкладчыцу вызвалілі. Суд падвергнуў яе штрафу. Тэлефон Сілавай канфіскавалі.
Святлана Сілава працавала ў ГрДУ з 2000 года на кафедры гісторыі Беларусі. Даследчыца гісторыі праваслаўнай царквы з XVIII стагоддзя да часоў камуністычнага таталітарызму.
Яшчэ ў 2005 годзе Беларускі Экзархат выдаў яе працу «Крыжовы шлях: Беларуская Праваслаўная Царква ў перыяд нямецкай акупацыі 1941−1945 гг.». Каля 15 гадоў Святлана Сілава на грамадскіх пачатках супрацоўнічае з Гродзенскай епархіяй як навуковы эксперт. Гісторык брала ўдзел і арганізоўвала дзясяткі мерапрыемстваў, актыўна развівала супрацоўніцтва ўніверсітэта з Мінскай духоўнай семінарыяй у Жыровічах. Сілава з’яўляецца членам епархіяльнай камісіі па кананізацыі святых.
Нацягнуты паміж дрэвамі дрот, які знайшлі ў Пышках гродзенскія матацыклісты, апынуўся не адзінай небяспечнай пасткай…
На вуліцы Савецкай у Гродне на месцы "Дзіцячага свету" адкрылі бар "На Луне". Мяркуючы па…
"Гродна. Турыстычная карта для гасцей горада" выйдзе накладам 6000 штук. Усе асобнікі будуць толькі на…
На таргі выставілі ўчастак каля кальцавой развязкі праспекта Касманаўтаў і вуліцы Карскага. Згодна з прызначэннем…
Сэрвіс карт ад Google абнавіў спадарожнікавыя фатаграфіі Гродна. На іх можна ўбачыць найбуйнейшыя будоўлі горада,…
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…