Затрыманы дзяржслужачы ў Гродне. Скрыншот Hrodna.life
Галоўны інспектар, дзяржслужачы з Гродзенскага абласнога ўпраўлення затрыманы ў Гродне. Пра гэта 2 лістапада паведаміў праўладны Telegram-канал. Мужчына распавёў на відэа, што размяшчаў экстрэмісцкую інфармацыю, а на выбарах у 2020 годзе прагаласаваў за Святлану Ціханоўскую.
UPD 13.00. Затрыманы — Алег Уладзіміравіч Сала, галоўны дзяржаўны інспектар працы аддзела нагляду за выкананнем заканадаўства аб працы Гродзенскага абласнога ўпраўлення Дэпартамента дзяржаўнай інспекцыі працы Міністэрства працы і сацыяльнай абароны, паведамляе «Вясна».
Мужчына распавёў на відэа, што ў 2020 годзе ён быў падпісаны на «экстрэмісцкія» чаты і боты і размяшчаў там «экстрэмісцкую» інфармацыю. Таксама ён пісаў у чатах, што хадзіў на мітынгі. Але на самай справе, па яго словах, не хадзіў.
Таксама гродзенец распавёў, што прагаласаваў за Святлану Ціханоўскую падчас выбараў 2020 года.
Згодна з артыкулам 68 Канстытуцыі РБ, галасаванне на выбарах з’яўляецца тайным: кантроль за волевыяўленнем выбаршчыкаў у ходзе галасавання забараняецца.
Гродзенец паабяцаў выдаліць усе размешчаныя ім матэрыялы.
Верагодна, пакуль мужчыну чакае разбіральніцтва паводле арт.19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць».
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…