Дэкарацыі ў Гродне. Фота Вольгі Бондаравай
Вечарыну да Хэлоўіна ў МЦ «Гродна» адмянілі. Таксама каля адной з тату-студый у Гродне прыбралі святочныя дэкарацыі. На іх паскардзілася гродзенская актывістка Вольга Бондарава з паплечнікамі.
«З Гродна прыйшла вестка, што сатанінскі шабаш ў „Моладзевым цэнтры“ раптоўна адменены», — напісала Вольга Бондарава. Яна падзякавала за гэта кіраўніцтву «Белай Русі».
Мерапрыемства павінна было прайсці ў суботу, 29 кастрычніка. Канцэпцыя — «галоўны злёт нечысці ўсіх народаў». Абяцалі конкурсы, падарункі ад партнёраў і музычнае «начынне». Адным з арганізатараў мерапрыемства быў тату-клуб «Храброе сердце». Запрошаны дыджэй — Dj Modno.
Цяпер анонсы мерапрыемствы са старонкі зніклі. Замест гэтага ў МЦ «Гродна» пройдуць нетэматычныя вечарыны.
Таксама пасля звароту Бондаравай і воінаў-афганцаў прыбралі святочныя дэкарацыі каля тату-студыі «Храбное сердце» на Леніна, 30.
«Як у краіне, дзе Канстытуцыяй замацавана патрабаванне да кожнага паважаць нашы нацыянальныя традыцыі, можна прапагандаваць чужое? Як у краіне з хрысціянскімі асновамі прадзяржаўная газета можа расхвальваць „свята“ праслаўлення сатаны і іншай нечысці (гаворка аб публікацыі „Вечернего Гродно“ аб гэтай лакацыі)?» — задалася пытаннем Вольга.
Хэлоўін — сучаснае свята, якое ўзыходзіць да традыцый старажытных кельтаў Ірландыі і Шатландыі і традыцыйна святкуецца ў англамоўных краінах. З канца XX стагоддзя мода на атрыбутыку Хэлоўіна ўзнікла ў неангламоўных краін Еўропы і СНД.
Хэлоўін не першы раз забараняюць у Гродне. У 2018 годзе яго не змаглі адзначыць школьнікі.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…