Навіны

Улічаць шум і электратранспарт. У Гродне распрацуюць схему развіцця гарадскога транспарту на 2030 год

У Гродне створаць праект-схему развіцця гарадскога пасажырскага транспарту і магістральна-вулічнай сеткі Гродна. Патрэбныя паказчыкі для схемы разлічваюць на будучыню — 2030 год. Гэты праект дазволіць мадэрнізаваць і палепшыць існуючую схему.

Гродзенскі гарвыканкам шукае фірму-выканаўцу, якой гатовы заплаціць за працу 230 000 рублёў з гарадскога бюджэту. Схему трэба падрыхтаваць да лістапада 2023 года.

Праект робяць на падставе генплана Гродна і рашэння Гродзенскага гарвыканкама ад 01.08.2022 г. № 542 «Аб распрацоўцы горадабудаўнічага праекта спецыяльнага планавання».

Улічаць інтарэсы гараджан

У праекце прапануюць схему гарадскога пасажырскага транспарту, магістральна-вулічнай сеткі ў існуючых і перспектыўных забудовах, у тым ліку ў прамысловых зонах.

Пры стварэнні схемы ўлічаць:

  • размяшчэнне новых жылых раёнаў і працоўных месцаў;
  • дадзеныя аб працы аўтобусаў, тралейбусаў і маршрутак за 2018−2021 г. г.;
  • колькасць зарэгістраваных у горадзе аўтамабіляў і гарадскога транспарту;
  • схему маршрутаў і прыпынкаў.

Паклапоцяцца пра электратранспарт

Улады вывучаць размеркаванне транспартных патокаў і аўтамабільных плыняў па магістральна-вулічнай сетцы. Таксама яны прааналізуюць размеркаванне пасажыраў паміж рознымі відамі транспарту і даступнасць прыпынкаў. Выявяць найбольш аварыйныя ўчасткі вулічнай сеткі і месцы канцэнтрацыі ДТЗ і ўзровень загрузкі скрыжаванняў і перагонаў на апорнай магістральна-вулічнай сетцы.

У схеме пралічаць прапускную здольнасць вулічных сетак з улікам ушчыльнення забудовы. Прадугледзяць будаўніцтва разваротных пляцовак для транспарту ў мікрараёнах. Трэба будзе ўсталяваць зарадныя прылады для падзарадкі грамадскага транспарту з электрапрывадам.

Улічаць шум

Пры стварэнні схемы ацэняць уплыў транспартных шумоў на гарадскую сераду. Правядуць разлікі і пабудуюць картаграму шумоў ад транспартных патокаў. Дадуць рэкамендацыі па абароне забудовы ад шумоў аўтадарожнага транспарту.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025