Гродзенка Лана Глумакова возьме ўдзел ад Беларусі ў конкурсе на найпрыгажэйшую замужнюю жанчыну Еўропы «Mrs. Europe Globe». Сам конкурс пройдзе ў Афінах 12−15 кастрычніка.
«Нягледзячы на тое, што гэты свет сур’ёзна вырашыў праверыць чалавецтва на трываласць, я прыняла рашэнне не спыняцца і працягваць жыць. Для таго, каб ісці далей і мець магчымасць рабіць больш», — напісала яна на сваёй старонцы ў Instagram.
Лана Глумакова — заснавальніца гродзенскага рэкламнага агенцтва «На ура» і спа-салона «Honey Day». Жанчына таксама сузаснавальніца міжнароднага дабрачыннага праекта «Хвалі дабрыні». Лане 40 гадоў. Яна замужам, маці дваіх сыноў. Валодае беларускай, рускай, англійскай, нямецкай і польскай мовамі.
Чытайце таксама: «Хочу быть иллюстратором». 9-летний гродненец удивляет всех своими стильными рисунками
У 2020 годзе Лана Глумакова была прадстаўніцай Беларусі на конкурсе «Mrs Globe» («Місіс Зямны шар»). Фіналістка конкурсу Місіс Свету Беларусь 2018.
Лана — не першая гродзенка, якая ўдзельнічае і перамагае ў падобных міжнародных конкурсах. Святлана Скок, прадстаўляла ў 2018 годзе Беларусь на «Місіс Сусвет — 2018», а ў 2019 трапіла на фінал «Mrs. Globe» у Кітаі. Гродзенка Святлана Кузняцова перамагла ў конкурсе «Mrs Globe» у 2017. А ў 1998 годзе яна стала першай Міс Беларусь. Традыцыйна ўдзельніцы конкурсаў бяруць удзел і ў дабрачыннай дзейнасці.
