hdr
Сёлета на рэканструкцыю Старога замка з дзяржаўнай інвестпраграмы вылучылі больш за 2 млн рублёў. Агулам на другую чаргу рэканструкцыі патрабуецца 80 млн рублёў, паведаміў тэлеканал «Беларусь 4 Гродна». Праектную дакументацыю другой часткі рэканструкцыі плануюць скончыць да 2022 года.
Стары замак у Гродне пачалі аднаўляць у 2017 годзе, паводле праекта архітэктара Уладзіміра Бачкова. Мяркуецца, што абарончае збудаванне павінна ў выніку атрымацца такім, якім яно было ў часы жыцця Стэфана Баторыя. Аднак рэканструкцыя замка з самага пачатку выклікала шмат спрэчак у навуковых колах — яе нават называлі «адкрытай фальсіфікацыяй помніка». Першы этап рэканструкцыі скончылі ў 2021 годзе.Падчас другой чаргі рэканструкцыі, плануюць рэстраўраваць флігель адміністратара, які ёсць у планах XVIII стагоддзя.
У 2022 годзе на рэканструкцыю вылучылі 2 млн рублёў. Другая чарга рэстаўрацыі ў поўным аб’ёме каштуе 80 млн рублёў. У 2021 годзе на Стары замак вылучылі больш за 5 млн рублёў: 3 млн — з рэспубліканскага бюджэту і каля 2,5 млн рублёў - з абласнога. Першая частка каштавала 28 млн рублёў.
Археолагі абследвалі пласты грунту ўздоўж замка. Яны знайшлі прадметы XV — XX стагоддзяў. Сярод іх, шахматныя фігуры, манеты, зброя, кавалкі посуда. За ўвесь час раскопак археолагі выявілі 373 індывідуальных знаходак (рэчы якія знаходзяць не так часта — гузікі, кулі, свінцовыя пераплёты) і амаль 4,5 тыс. масавых знаходак (побытавая креміка, дахоўка, цэгла).
Знаходкі перададуць рэстраўратарам. Пазней іх размясцяць ў экспазіцыі гісторыка-археалагічнага музея.
Сярод будучых экспанатаў - манета Аляксандра канца XV — пачатку XVI стагоддзя, металічная падкоўка на абцас таго ж перыяду, вынасны крыж, дзве дараносіцы ў выглядзе Галгофы, а таксама пячатка другой паловы XVIII стагоддзя. Акрамя гэтага археолагі знайшлі гербавы картуш канца XVI — першай паловы XVII стагоддзя.
Чытайце таксама:
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…