yandex.by
Грамадскую арганізацыю «Польска Мацеж Школьна», сядзіба якой знаходзіцца ў Гродне, ліквідуюць. Пасяджэнне ў Вярхоўным судзе адбудзецца 13 верасня 2022 года, паведаміў Telegram-канал «Право имеют». На гэтым тыдні ў школе пры арганізацыі павінен быў пачацца новы навучальны год.
Рэпрэсіі супраць «Польскай Мацежы Школьнай» пачаліся ў 2021 годзе. Прычынай, нібыта, стала незаконная дзейнасць у сферы адукацыі. Арганізацыю пакаралі штрафам 300 тыс. рублёў, а падатковая далічыла яшчэ 500 тыс. недаплачаных падаткаў.
«Польска Мацеж Школьна» — адна са старэйшых польскіх арганізацый Беларусі. Яна працавала з 1995 года і займалася адукацыяй. З 2011 года школа мае ўласны будынак на вуліцы Гараднічанскай. Пры арганізацыі дзейнічае грамадскі ліцэй для вывучэння польскай мовы, гісторыі і культуры. Яго лічаць самай вялікай, па колькасці вучняў, польскай грамадскай школай у свеце. У 2013 годзе школе прысвоілі імя Элізы Ажэшкі. Многія гродзенцы, якія паступалі ў польскія ўніверсітэты, вучыліся ў гэтай школе.
Пры «Мацежы» працуюць таксама бібліятэка, Універсітэт Трэцяга Узросту для сталых людзей, клуб жанчын «Гроднянка» і іншыя гурткі і ініцыятывы. Таксама «Мацеж» ладзіла метадычныя канферэнцыі для настаўнікаў школ і дзіцячых садкоў, конкурсы для дзяцей і падлеткаў.
У гродзенскай і ваўкавыскай школах з польскай мовай навучання ў 2022/2023 навучальным годзе пачалі выкладаць на рускай мове. Польскай мовы і літаратуры пакінулі па адной гадзіне ў тыдзень. Па-беларуску там будуць выкладаць толькі гісторыю Беларусі і частку прадмету «Чалавек і свет».
Чытайце таксама: «Яны працягваюць палітыку савецкіх уладаў». Першы старшыня Саюза палякаў - пра гісторыю змагання за польскія школы ў Беларусі
За кратамі дасюль знаходзіцца Анджэй Пачобут. Яго затрымалі па «справе палякаў» у сакавіку 2021 года. Таксама па гэтай справе ў сакавіку 2021 года затрымалі Анжаліку Борыс. Летам 2022 года ў Гродзенскай вобласці пачалі руйнаваць могілкі жаўнераў Арміі Краёвай. Станам на верасень 2022 года, зруйнавалі не менш за шэсць могілак. У верасні 2022 года ўлады пачалі ліквідацыю грамадскага аб’яднання «Вспульнота полякув».
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…