Праект новага дома на вуліцы Савецкіх пагранічнікаў. Крыніца: "Вечерний Гродно"
На вуліцы Савецкіх пагранічнікаў побач з універсамам «Кастрычніцкі», на месцы знесенага прыватнага сектара, пачалі будаваць жылы комплекс на 312 кватэр, паведаміў «Вечерний Гродно».
Будоўля адбываецца на ўчастку паміж «Кастрычніцкім» і вуліцай Гогаля. Там плануюць узвесці васьмісекцыйны жылы дом вышынёй 8−10 паверхаў. Таксама ў будынку хочуць размясціць офісы і кропкі абслугоўвання насельніцтва. Уваход да іх будзе з боку вуліцы Савецкіх Пагранічнікаў, а ўваход у пад’езы — з вуліцы і з двара.
Акрамя будынка запланаваны дзіцячыя пляцоўкі для гульняў і заняткаў спортам, паркоўкі і падземны гараж на 181 месца.
Прыватны сектар далей уздоўж вуліцы Савецкіх пагранічнікаў таксама плануюць зносіць. На ўчастку плошчай 1,63 га паміж вуліцамі Сыракомлі, Манюшкі і Нямцэвіча хочуць пабудаваць яшчэ адзін дом вышынёй не больш за 41 метр. Участак плануюць выставіць на аўкцыён.
Зямлю на Савецкіх пагранічнікаў у красавіку 2020 года выкупіла мінская кампанія «АйронІнвестПраект». Папярэдняя кампанія-забудоўшчык «Сучасныя бетонныя канструкцыі» адмовілася ад планаў і скасавала дамову арэнды.
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
